Premer-mınıstrdiń orynbasary – Mádenıet jáne aqparat mınıstri Aıda Balaeva Shymkent qalasyna jumys sapary aıasynda shahardyń týrıstik áleýetin saralap, qoǵamdyq keńistikterdiń damý barysymen tanysty, dep habarlaıdy Egemen.kz.
Sapar barysynda Premer-mınıstrdiń orynbasary Shymkent sıtadeline baryp, mýzeı ekspozısııalaryn aralady jáne tarıhı-mádenı murany saqtaýdyń mańyzyn atap ótti. Sondaı-aq etnoaýylda bolyp, mundaı nysandardy arhaıkaǵa boı aldyrmaı, zamanaýı, kreatıvti ári ınnovasııalyq formatta damytý qajettigin aıtty.
Shymkentte Mádenıet jáne óner ýnıversıteti qurylady
Qalalyq mádenıet, gastronomııa jáne kreatıvti ındýstrııa salalaryndaǵy birqatar joba tanystyryldy. Arbat jaıaý júrginshiler alleıasynyń áleýetimen tanysý barysynda Aıda Balaeva osy aýmaqta bos jumys oryndary jónindegi ózekti aqparat pen jastarǵa arnalǵan maýsymdyq kásiptik baǵdar berý materıaldary usynylatyn jumyspen qamtý ortalyǵyn ornalastyrý múmkindigin qarastyrýdy usyndy.
Shymkentte kortej jasaǵan júrgizýshiler jazaǵa tartyldy
Sonymen qatar kreatıvti ortany damytýǵa, jas talanttardy qoldaýǵa jáne mádenı mura men ınnovasııalyq tásilder úndesken zamanaýı qalalyq ınfraqurylymdy qalyptastyrýǵa erekshe nazar aýdaryldy.