Túrkistan oblysynyń prokýratýrasy memlekettik jáne jekemenshik medısınalyq uıymdarǵa júrgizgen tekserý barysynda mindetti áleýmettik medısınalyq saqtandyrý (MÁMS) júıesi aıasynda qarajatty zańsyz ıemdený jáne tıimsiz jumsaý faktilerin anyqtady, dep habarlaıdy Egemen.kz.
Prokýratýranyń málimetinshe, birqatar mekemeler lısenzııasyz konsýltasııalyq-dıagnostıkalyq qyzmet kórsetip, onyń ústine sapa talaptaryn saqtamaǵan. Máselen, oblystaǵy jekemenshik klınıkalardyń birinde tıisti ruqsat qujattarynsyz túrli mamandar atynan 28 myńnan astam qabyldaý rásimdelip, nátıjesinde 91 mln teńge alynǵan.
Elimizde 406 jeke emshara kabıneti lısenzııasyz qyzmet kórsetken
Atalǵan derek boıynsha is Qylmystyq kodekstiń 214-baby negizinde tirkelip, tergeýdi Ekonomıkalyq tergep-tekserý departamenti júrgizgen. Keıin keltirilgen zalal tolyq ótelgendikten, is aqtalmaıtyn negizder boıynsha toqtatylǵan.
Sonymen qatar tekseris kezinde 203 mln teńgege jalǵan stomatologııalyq qyzmet kórsetý derekteri de anyqtaldy. Eki affılırlengen klınıka qaǵaz júzinde úsh dárigerdi tirkep, elektrondyq júıe arqyly júkti áıelder men balalarǵa kórsetilgendeı etip 40 myńǵa jýyq jalǵan qyzmet engizgen.
Tekserý barysynda bir dárigerdiń bir kúnde birneshe klınıkada qatar qyzmet kórsetkeni týraly kúmándi derekter tirkelgen. Qarsy tekserýler men pasıentterdiń jaýaby bul aqparattardyń shyndyqqa janaspaıtynyn rastady.
«928 mln teńge»: Túrkistan oblysynda veterınarlyq qyzmet memleketten iri qarajat jymqyrǵan
Osy faktiler boıynsha arnaıy prokýrorlar Qylmystyq kodekstiń 190-baby boıynsha sotqa deıingi tergep-tekserý júrgizip, is materıaldaryn sotqa joldady.