Iran bıligi AQSh-pen ótetin kelissózderdiń ekinshi kezeńine qatysýdan resmı túrde bas tartty. Kezdesý 22 sáýir, sársenbi kúni Pákistan astanasy Islamabadta ótýi tıis bolǵan, dep habarlaıdy Egemen.kz.
Irandyq Tasnim agenttiginiń málimetine sáıkes, eldiń kelissózder delegasııasy pákistandyq deldal arqyly AQSh tarapyna kezdesýge qatyspaıtynyn jetkizgen.
Agenttik derekterine súıensek, Tegeran bul sheshimdi túpkilikti dep sanaıdy jáne qazirgi ýaqytta kelissózderge qaıta oralýǵa eshqandaı perspektıva kórip otyrǵan joq. Iran tarapy kelissózderdi «ýaqytty bosqa ótkizý» dep baǵalaǵan.
Irandaǵy qaqtyǵys saldary: Álemdik shyǵyn 50 mlrd dollardan asty
Bas tartý sebepteri retinde AQSh tarapynan bitim rejıminiń buzylýy, sondaı-aq Vashıngton usynǵan sharttardyń tym qatań bolýy atalǵan. Sonymen qatar Ormuz buǵazyndaǵy jaǵdaı da negizgi faktorlardyń biri retinde kórsetilgen.
Iran Ormuz buǵazyn qaıta japty
Qazirgi ýaqytta taraptar arasyndaǵy jaǵdaıdyń qalaı órbıtini álem elderiniń nazaryn aýdaryp otyr.