Memleket basshysy qorshaǵan ortany qorǵaý salasyndaǵy birqatar halyqaralyq uıymdar basshylarymen kezdesip, Ortalyq Azııadaǵy negizgi ekologııalyq bastamalardy iske asyrý joldaryn talqylady, dep habarlaıdy Egemen.kz.
Qasym-Jomart Toqaev О́ńirlik ekologııalyq sammıtke qatysyp, qoldaý kórsetkeni úshin delegattarǵa alǵys aıtyp, olardyń mol tájirıbesi ortaq máselelerdiń sheshimin tabýda naqty tásilderdi ilgeriletýge yqpal etetinine senim bildirdi.
Prezıdent elimiz ornyqty damýdy qamtamasyz etý jáne bıoalýantúrlilikti qorǵaý boıynsha halyqaralyq ınstıtýttardyń qyzmetine basa mán beretinin atap ótti.
Prezıdent Dúnıejúzilik densaýlyq saqtaý uıymynyń bas dırektorymen kezdesti
Memleket basshysynyń aıtýynsha, Qazaqstan óńirlik jáne jahandyq deńgeıde ekologııalyq jaýapkershilik qaǵıdattaryn júzege asyrýdy jaqtaıdy. Elimizdiń jańa Konstıtýsııasynda qorshaǵan ortany qorǵaý memlekettik saıasattyń negizgi qaǵıdattarynyń biri retinde aıqyndalǵan.
Halyqaralyq konvensııa ókilderi О́ńirlik ekologııalyq sammıtti joǵary deńgeıde uıymdastyrǵany úshin Memleket basshysyna rızashylyqtaryn jetkizdi.
Olar halyq arasynda ekologııalyq sana qalyptastyrýdy kózdeıtin «Taza Qazaqstan» baǵdarlamasyn júzege asyrýdy quptaıtyndaryn málimdedi.
Sonymen qatar mártebeli meımandar elimizdiń klımat jáne sý problemalaryn sheshýge qatysty jahandyq bastamalaryna qoldaý kórsetti.
Prezıdent EQYU-nyń Bas hatshysyn qabyldady
Kezdesýge BUU Bas hatshysynyń orynbasary – BUU qorshaǵan orta baǵdarlamasynyń (UNEP) atqarýshy dırektory Inger Andersen, Joıylyp ketý qaýpi tóngen jabaıy faýna jáne flora túrlerimen halyqaralyq saýda týraly konvensııanyń (CITES) Bas hatshysy Ivonn Igero, BUU-nyń bıoalýantúrlilik jónindegi konvensııasynyń atqarýshy hatshysy Astrıd Shomaker, Bazel, Rotterdam jáne Stokgolm konvensııalarynyń atqarýshy hatshysy Rolf Paıe qatysty.