Qazandaǵy aýdan aýmaǵynda qalyptasqan sıklon oıysy Qazaqstan terrıtorııasyna qaraý jyljyp, eldegi aýa raıynyń buzylýyna sebep bolady, dep habarlaıdy Egemen.kz.
«Qazgıdromet» málimetinshe, respýblıkanyń basym bóliginde naızaǵaı oınap, jańbyr jaýady. Al soltústik aımaqtarda jańbyr qarǵa ulasýy múmkin. Keı jerlerde burshaq jaýyp, daýyldy jel turady dep kútiledi. Sondaı-aq túngi jáne tańǵy ýaqytta tuman túsedi.
26 sáýir kúni batys jáne soltústik-batys óńirlerde, al 27 sáýirde soltústik, shyǵys jáne ortalyq aımaqtarda túngi temperatýra -2°C-qa deıin tómendep, úsik júrýi múmkin.
Kúndizgi aýa raıyna kelsek, temperatýra birqatar óńirde tómendeıdi:
Soltústikte – +10…+15°C; Ortalyqta – +10…+18°C; Shyǵysta – +7…+20°C.Eldiń batysynda ǵana aýa temperatýrasy birtindep kóterilip, kúndiz +15...+20°C-qa deıin jylynady dep boljanǵan.
Eske sala keteıik, búgin, 24 sáýir kúni respýblıkanyń basym bóliginde aýa raıy qubylmaly bolady.