Bas prokýratýra birneshe márte alaıaqtyq jasaǵan el azamatyn qylmystyq jaýapkershilikke tartý maqsatynda Reseı Federasııasy aýmaǵynan ekstradısııalady, dep habarlaıdy Egemen.kz.
Tergeý málimetine sáıkes, kúdikti 2023 jyly ınternet platformalarda sheteldik avtokólikterdi satý týraly ádeıi jalǵan habarlandyrýlar jarııalap, jeti azamatty aldap, olardyń qarajatyn ıemdengen.
Qylmystan keıin ol boı tasalap, halyqaralyq izdeýge jarııalanǵan. 2025 jyldyń shilde aıynda kúdikti Belgorod oblysy aýmaǵynda qolǵa túsip, Qazaqstannyń suraýy boıynsha elge qaıtaryldy.
230 myń dollar jymqyrǵan býhgalter Grekııadan ekstradısııalandy
Qazirgi tańda ol tergeý ızolıatoryna qamaldy. Kúdiktige taǵylǵan aıyptar dáleldense, onyń múlki tárkilenip, 7 jylǵa deıin bas bostandyǵynan aıyrý jazasy taǵaıyndalýy múmkin.