Astanada Almaty qalasy ákiminiń burynǵy orynbasary Erjan Babaqumarovtyń ólimine qatysty is boıynsha sot prosesi aıaqtaldy. Bul týraly elordanyń qylmystyq ister jónindegi soty habarlady, dep jazady Egemen.kz.
Sot úkimine sáıkes, aıyptalýshy Qylmystyq kodekstiń 99-baby 1-bóligi boıynsha kináli dep tanylyp, 11 jylǵa bas bostandyǵynan aıyryldy. Úkim zańdy kúshine engen.
Is jabyq rejımde qaralǵandyqtan, Qylmystyq-prosestik kodekstiń talaptaryna sáıkes basqa málimetter jarııa etilmeıdi.
Bloger Erbolat Janabylov pen jubaıyna qatysty sot úkimi shyqty
Eske sala keteıik, Erjan Babaqumarov Astanada bolǵan tóbeles kezinde qaza tapqany habarlanǵan edi. Osy fakti boıynsha qylmystyq is qozǵalyp, kúdikti ustalyp, ýaqytsha ustaý ızolıatoryna qamalǵan.
Tergeý aıaqtalǵan soń is sotqa joldanyp, sot prosesi bıylǵy qańtar aıynda bastalyp, jabyq formatta ótken.