2025 jyly «Qazsınk» kompanııasynyń О́skemen qalasyndaǵy zaýytyna zańbuzýshylyqtardy joıý týraly nusqamalar berilgen. Bul týraly Eńbek jáne halyqty áleýmettik qorǵaý birinshi vıse-mınıstri Erbol Tuıaqbaev málimdedi, dep habarlaıdy Egemen.kz.
Vıse-mınıstr 2022-2025 jyldary kompanııa men basqa da iri kásiporyndardyń qyzmeti profılaktıkalyq baqylaý aıasynda tekserilgenin atap ótti.
«Nusqamalar merziminde oryndaldy jáne meniń bilýimshe, biz eshqandaı aıyppul salǵan joqpyz. Biraq osy jaǵdaıǵa baılanysty jedel-tergeý toby quryldy. Memlekettik eńbek ınspeksııasy departamenti TJM-men birge bardy. Biz qazir apattyń naqty shyǵý sebebin jáne oǵan kinálini anyqtap jatyrmyz. Qaýipsizdik tehnıkasyn saqtamaý, adamdy qaýipsizdik tehnıkasymen tanystyrmaý, kásiporyndaǵy tehnologııalyq aqaýlar nemese eskirgen jabdyqty olar ózgertpegen bolýy múmkin», dedi E. Tuıaqbaev Senatta ótken brıfıng barysynda.
Birinshi vıse-mınıstr apat úshin jaýapkershilik mindetti túrde bolatynyn aıtty.
Esterińizge salamyz, 5 mamyr kúni tańerteń kásiporyn aýmaǵynda shań ustaǵysh qurylǵy jaryldy. Qurylymdardyń bir bóligi qulap, órt shyqty. Oqıǵa saldarynan sol kúni eki adam qaza tapty. Zardap shekkenderdiń beseýi aýrýhanaǵa jetkizildi. 12 mamyrda jaraqat alǵan taǵy bir jumysshy aýrýhanada qaıtys boldy.
О́skemende aýa sapasy tekserilip jatyr: О́ńir turǵyndaryna ótemaqy tólene me?
Premer-mınıstr jaǵdaıdy jeke baqylaýǵa alyp, TJM, Ekologııa mınıstrligi men Shyǵys Qazaqstan oblysynyń ákimdigine jedel sharalar qabyldaýdy tapsyrdy. Polısııa qylmystyq is qozǵady.