Astanadaǵy Kishi Taldykól aýmaǵynda ekopark salý jobasy bıyl bastalady. Bul týraly Úkimet otyrysynda elorda ákiminiń orynbasary Ersin О́tebaev aıtty, dep habarlaıdy Egemen.kz.
Onyń aıtýynsha, jobaǵa qatysty jobalyq-smetalyq qujattama daıyndalyp, merdiger kompanııa anyqtalǵan. Sonymen qatar qurylysqa qajetti qarjy da qarastyrylǵan.
«Jobanyń quny – 4,5 mlrd teńge. Áńgime Kishi Taldykóldegi №5 ýchaske týraly bolyp otyr. Bıyl qurylys bastalady dep oılaımyn, al kelesi jyly aıaqtalady», dedi Ersin О́tebaev.
Shyǵys Qazaqstan oblysynda úsh ekopark salynady
Eske salaıyq, buǵan deıin Astana ákimi Jeńis Qasymbek Kishi Taldykól aýmaǵyndaǵy ekopark qurylysy 2025 jylǵa aýystyrylǵanyn málimdegen bolatyn. Budan bólek jýyrda elordada táýligine 1,5 myń tonna qaldyq óńdeıtin ekopark boı kóteretindigin jazǵan bolatynbyz.