Meta kompanııasy jasandy ıntellekt baǵytyna basymdyq berip, kompanııa qurylymyn ózgertip jatyr. Kompanııa 8 myń qyzmetkerin jumystan shyǵaryp, taǵy 7 myń qyzmetkerin jańa jasandy ıntellekt baǵytyndaǵy bólimshelerge aýystyrǵan, dep habarlaıdy Egemen.kz.
Sonymen qatar Sýkerbergtiń basqarýyndaǵy kompanııa ishki qurylymda JI negizinde jumys isteıtin ónimder men servısterdi ázirleýge arnalǵan tórt jańa baǵyt qurǵan.
Kompanııa qyzmetkerlerine 20 mamyr kúni úıden jumys isteý usynylyp, kadrlyq sheshimder týraly hattardy kútý tapsyrylǵan. Birqatar aýystyrýlar aldyn ala júzege asqan.
Meta negizin qalaýshy Mark Sýkerberg jasandy ıntellekttini «búgingi zamannyń eń mańyzdy tehnologııasy» dep atap, osy salada kóshbasshy kompanııalar keleshek ındýstrııanyń baǵytyn aıqyndaıtynyn málimdedi.
Ilon Mask OpenAI-ǵa qarsy sotta jeńilip qaldy
Qaıta qurylymdaý prosesi sáýir aıynda bastalǵan jappaı qysqartý sharalarynyń jalǵasy bolyp otyr. Ol kezde kompanııa 8 myń qyzmetkerdi qysqartyp, qosymsha 6 myń bos jumys ornyn toqtatatynyn habarlaǵan.
Eske sala keteıik, buǵan deıin jańa tehnologııa baǵytynda eń qymbat kompanııa sanalǵan Nvidia-nyń jyldyq tabysy Germanııa ekonomıkasynan asyp túskendigin jazǵan bolatynbyz.