Májilis depýtaty Baqytjan Bazarbek atqarýshylyq jazbalardy rásimdeý kezinde zań talaptarynyń óreskel buzylyp jatqanyn málimdep, kináli notarıýstardy lısenzııasynan aıyrý máselesin kóterdi. Bul másele Respýblıkalyq notarıattyq palata tóraǵasy Oleg Polýmordvınovpen bolǵan talqylaý barysynda aıtyldy, dep habarlaıdy Egemen.kz.
«Eger boryshker qaryzdy moıyndamasa jáne másele daýly bolsa, notarıýs atqarýshylyq jazba jasaýǵa quqyly emes. Bul jóninde Bas prokýratýra naqty ustanym bildirdi. Atqarýshylyq jazba tek daýsyz talaptar boıynsha ǵana rásimdelýi kerek», dedi Baqytjan Bazarbek.
«Bolashaq» baǵdarlamasy: Depýtat bıýdjet qarjysyn negizsiz jumsaǵandardyń esimderin jarııalaýdy talap etti
Ol Bas prokýratýranyń usynysynda aty atalǵan notarıýstarǵa qatysty naqty shara qabyldaýdy talap etti. Depýtat prokýrorlyq qadaǵalaý aktisi mindetti túrde oryndalýy tıis ekenin eske saldy.
«Prokýratýra «qarastyrý kerek» dep otyrǵan joq. «Lısenzııadan aıyrý qajet» dep naqty kórsetken. Sondyqtan Ádilet mınıstrligi tıisti sheshim qabyldaýǵa mindetti», dedi depýtat.
«900 myń teńge otbasyma jetpeıdi»: Depýtat Baqytjan Bazarbek aı saıynǵy jalaqy azdyq etetinin aıtty
О́z kezeginde Oleg Polýmordvınov zań buzǵan notarıýstar jaýapkershilikten qutylmaıtynyn aıtty.
«Eger notarıýs boryshkerdiń qaryzdy moıyndaǵanyn rastaıtyn qujatsyz atqarýshylyq jazba rásimdese, bul – zańdy tikeleı buzý. Mundaı jaǵdaıda notarıýs mindetti túrde jaýap beredi», dedi O. Polýmordvınov.
Palata tóraǵasynyń málimetinshe, Bas prokýratýra anyqtaǵan faktiler boıynsha birqatar notarıýs lısenzııasynan aıyrylǵan. Onyń ishinde Almaty qalasynda 6-7 notarıýsqa qatysty sheshim qabyldanǵan.
Talqylaý barysynda atqarýshylyq jazbalardy rásimdeý tártibin kúsheıtý jáne azamattardyń quqyǵyn qorǵaý máselesi negizgi nazarda boldy.
Buǵan deıin, depýtat Baqytjan Bazarbek Platonus platformasynyń jekeshelenip ketkenin synǵa alǵany málim.