Premer-mınıstrdiń orynbasary Qanat Bozymbaev Túrkistan oblysynyń Alǵabas aýylyndaǵy adam ólimine ákelgen órttiń sebebin málimdedi, dep jazady Egemen.kz.
О́rt 2025 jyldyń 18 qarasha kúni tańerteń bolǵan. Qutqarýshylar janyp jatqan úıden es-tússiz jatqan úsh adamdy alyp shyǵyp, toǵyz balany qosqanda 12 adamnyń qaza tapqanyn anyqtady. Oqıǵa boıynsha tergeý Qylmystyq kodekstiń 292-baby «О́rt qaýipsizdigi talaptaryn buzý» boıynsha júrgizildi.
Qanat Bozymbaevtyń aıtýynsha, bul qaıǵyly oqıǵadan qylmystyq iz anyqtalmaǵan.
«Buǵan turmystyq jaǵdaı sebep bolǵan. Meniń bilýimshe, tergeý aıaqtaldy. Elektr qurylǵysynan shyqqan», dedi vıse-premer Úkimettegi brıfıng barysynda.
Ol órttiń naqty sebebi saraptamalar júrgizilgennen keıin birden anyqtalǵanyn aıtty.
Túrkistandaǵy órt: Zardap shekken taǵy bir adam Shymkentke jetkizildi
Esterińizge sala keteıik, keshe Túrkistan oblysy Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert boldy. Onyń 9-y bala. Qyzyl jalyn 360 sharshy metrdi sharpyǵan. Oqıǵa ornynan sýretter jarııalandy.