Qazaqstannyń iri qalalarynda ekinshi naryqtaǵy turǵyn úı baǵasy qatarynan ekinshi aı tómendep otyr. Mamyr aıynda birneshe óńirde páter quny arzandaǵan, dep habarlaıdy Egemen.kz.
Sarapshylardyń málimetinshe, baǵanyń eń kóp tómendeýi Aqtaýda tirkeldi. Munda baspana quny 2,5% arzandaǵan. Sonymen qatar Astanada páter baǵasy shamamen 2%-ǵa, al Almatyda 1,7%-ǵa tómendep otyr.
Elimizdiń ózge qalalarynda da teris dınamıka baıqalady. Qaraǵandy, Qyzylorda jáne Shymkent qalalarynda ekinshi naryqtaǵy turǵyn úı baǵasy tómendegen.
Naýryzda ekinshi naryqtaǵy páter baǵasy qymbattady
Alaıda sarapshylar bul ózgeriske qarap, asyǵys qorytyndy jasamaýǵa shaqyrady. Olardyń aıtýynsha, baspana baǵasy áli de joǵary deńgeıde qalyp otyr jáne qazirgi túzetý naryqtaǵy jalpy ahýaldy túbegeıli ózgerte qoıǵan joq.
Mamandardyń pikirinshe, aldaǵy ýaqytta turǵyn úı naryǵyndaǵy ózgeristerge muqııat nazar aýdarý qajet. Sebebi bul sala ekonomıkalyq jaǵdaıǵa, ıpotekalyq nesıe kólemine jáne halyqtyń satyp alý belsendiligine tikeleı baılanysty.
Eske salaıyq, 2026 jyldyń qańtarynda Qazaqstannyń ekinshi naryǵyndaǵy turǵyn úı baǵasy qalalardyń basym bóliginde qymbattaǵan.