PETROPAVL. 29 maýsym. Soltústik Qazaqstan oblysyna Qytaı Halyq Respýblıkasynyń delegasııasy jumys saparmen kelip, astyq satyp alýǵa ýaǵdalasty. Bul týraly oblystyq ákimdiktiń baspasóz qyzmeti habarlady.
Quramynda Boro-Tala-Mongol avtonomııalyq oblysy saýda-sattyq qatynasy bóliminiń basshysy Hao Kındjı, «Alashankoý» erkin ekonomıkalyq aımaǵyna jaýapty Vang Iong, «Alashankoý Agrofýd» kompanııasynyń ókili Vang Ksınchýn bar delegasııany Boro-Tala –Mongol avtonomııalyq oblysy ákimshilik basshysynyń orynbasary Chen Hong bastap keldi.
Resmı kezdesý barysynda oblys ákimi Erik Sultanov mártebeli qonaqtardy óńirdiń áleýmettk-ekonomıkalyq damý kórsetkishterimen tanystyrdy. Bıyl oblys pen Qytaı arasyndaǵy saýda aınalymy 12,4 mıllıon AQSh dollaryn quraǵan. Bul – alys jáne jaqyn memleketter saýda aınalymynyń besten biri degen sóz.
«Oblys ekologııalyq jaǵynan taza ónimder shyǵarady. Biz sizderge mal sharýashylyǵymen aınalysýǵa da jan-jaqty múmkindikter týdyra alamyz», dedi Erik Hamzauly.
Chen Hongóz sózinde uzaq merzimge arnalǵan ekonomıkalyq qarym-qatynastar jasaýǵa múddeli ekendikterin málimdedi.
Jyly shyraıly júzdesýden keıin eki tarapa styq pen aýyl sharýashylyǵy tehnıkalaryn jetkizý, taýar aınalymyn keńeıtý týraly memorandýmǵa qol qoıdy.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.