Búgin birqatar óńirinde +40…+41°C-qa deıin aptap ystyq bolady. Aımaqtarda joǵary jáne tótenshe órt qaýpi saqtalady, dep habarlaıdy Egemen.kz.
Sınoptıkterdiń boljaýynsha, Astana, Almaty jáne Shymkent qalalarynda naızaǵaı oınap, jańbyr, burshaq jaýýy yqtımal. Sondaı-aq jeldiń ekpini 15-23 m/s-qa deıin jetedi.
Birqatar óńirde joǵary jáne tótenshe órt qaýpi saqtalady. TJM qaýipsizdik sharalaryn saqtaýǵa jáne aýa raıy týraly eskertýlerdi qadaǵalap otyrýǵa shaqyrady.
Jasandy jańbyr klımatqa áser ete me? «Qazgıdromet» jaýap berdi
Atmosferalyq frontaldy bólimderdiń ótýimen Qazaqstan aýmaǵynyń basym bóliginde naızaǵaı oınap, jańbyr jáne burshaq jaýýy múmkin. Elimizdiń ońtústiginde, ońtústik shyǵysynda qatty jańbyr jaýady, soltústik-batysynda, ońtústiginde, ortalyǵynda daýyl bolady. Respýblıka boıynsha jeldiń kúsheıýi kútiledi, soltústik-batysta, soltústikte túnde jáne tańerteń tuman bolady.
Kúndiz Atyraý, Maǵystaý, Aqmola, Pavlodar, Qaraǵandy, Shyǵys Qazaqstan, Almaty, Abaı, Jetisý, Ulytaý oblystarynda, Batys Qazaqstan, Qostanaı oblystarynyń ońtústiginde, Aqtóbe oblysynyń ońtústiginde, shyǵysynda, Qyzylorda oblysynyń soltústiginde 35-42 gradýs qatty ystyq boljanǵan.
«Qazgıdromet»: Maýsym aıynda 12 óńirde qurǵaqshylyq bolady