Aýǵanstan Prezıdenti Mohammad Ashraf Ǵanı Qazaqstannyń azamatshasy A.Abdýlaevanyń lańkesterdiń qolynan qaza tabýyna baılanysty Prezıdent Nursultan Nazarbaevqa kóńil aıtýyn bildirdi, dep habarlady Qazaqstan Respýblıkasynyń Syrtqy ister mınıstrliginiń baspasóz qyzmeti.
Aýǵanstan Islam Respýblıkasynyń Prezıdenti Mohammad Ashraf Ǵanı Qazaqstannyń Aýǵanstandaǵy elshisi О́mirtaı Bitimovpen telefon arqyly suhbatynda, 2015 jylǵy 13 mamyrda Qabyl qalasyndaǵy qonaqúıge jasalǵan qarýly shabýyl saldarynan Qazaqstan Respýblıkasynyń azamatshasy Áıgerim Abdýlaevanyń qaza bolýyna baılanysty Prezıdent Nursultan Nazarbaevqa, Qazaqstan halqyna jáne marqumnyń otbasy men jaqyndaryna kóńil aıtýyn bildirdi.
Aýǵanstan basshysy Qazaqstan azamatshasynyń qaıtys bolǵany týraly jaısyz habardy tereń kúızelispen qabyldaǵanyn, sondaı-aq elde lańkestikti joıý boıynsha Islam Respýblıkasy basshylyǵy barlyq sharalardy qoldanyp otyrǵanyn málimdedi.
Aýǵan tarapy «Aýǵanstannyń úlken ári jaqsy dosy» bolyp otyrǵan Qazaqstanmen jan-jaqty yntymaqtastyqty damytýǵa múddeli ekenin de aıryqsha atap ótti.