ASTANA. 25 tamyz. Búgin fýtboldan Qazaqstan premer-lıgasynyń 24 týry sheńberinde bir oıyn oınaldy. Almatyda jergilikti «Qaırat» Pavlodardyń «Ertisin» qabyldap, 5:2 esebimen jeńiske jetti. Bul týraly egemen.kz habarlady.
Kezdesý asa tartysty ótti. Oıynnyń 7-mınýtynda qonaqtar esep ashyp úlgerdi. Goldyń avtory – Evandro Ronkatto. Arada 8 mınýt ýaqyt ótkende Islambek Qýat mergendigimen kózge túsip, tarazy basyn teńestirdi. Úziliske deıin osy esep ózgergen joq.
Bul joly «Qaırattyń» bas jattyqtyrýshysy Vladımır Vaıss alańǵa negizgi quramdy shyǵarmaǵanyn aıta keteıik. Oǵan komandanyń Eýropa lıgasy irikteý týrnıriniń pleı-off básekesinde synǵa túsýi sebep.
Ekinshi taımda da «Ertis» oıynshylary belsendi qımyldady. Tipti 56-mınýtta qonaqtar sapynan Alassan N'Dıaıe nátıjeli soqqy jasap, pavlodarlyqtar taǵy da esepte alǵa shyqty. Osy goldan keıin Vaıss alańǵa komandanyń surmergeni Jerar Goýdy shyǵardy. Jattyqtyrýshynyń bul qadamy óz jemisin berip, ıvýarlyq shaýylshy bas-aıaǵy 7 mınýttyń ishinde dýbldiń avtory atandy. Atap aıtqanda, ol 68 jáne 75-mınýttarda qarsylastarynyń qaqpasyn dál kózdedi.
Osy goldardan keıin alań ıeleriniń oıynyna qan júgirip, shıraqtyq tanyta bastady. Nátıjesinde oıyn sońyna deıin Davıd Lorııa qorǵaǵan «Ertistiń» qaqpasyna taǵy eki dop engizdi. 78-mınýtta Ermek Qýantaev esepti 4:2-ge jetkizse, kezdesýdiń núktesin 87-mınýtta Djordje Despotovıch qoıdy.
Bul jeńisinen keıin «Qaırat» upaı sanyn 26-ǵa jetkizip, týrnır kestesinde jeke-dara kósh bastady. Al «Ertis» ázirge 6-orynda keledi.
24-týr sheńberindegi qalǵan oıyndardyń nátıjelerin premer-lıga bile alasyzdar.
«Qaırat» (Almaty) – «Ertis» (Pavlodar) 5:2 (1:1)
Goldar: Islambek Qýat 15, Jerar Goý 68, 75, Ermek Qýantaev 78, Djordje Despotovıch 87 – Evandro Ronkatto 7, Alassan N'Dıaıe 56.
Osy oıynnyń qorytyndysy boıynsha týrnır kestesi
Úzdik mergender:
Jerar Goý («Qaırat») – 20 gol;
Lýka Rotkovıch («Oqjetpes») – 11 gol;
Dýshan Savıch («Jetisý») – 9 gol.
25- týr oıyndary 12-13 qyrkúıekte oınalady. Atalǵan týrdaǵy qarsylastar tómendegideı:
«Atyraý» – «Qaırat»
«Ertis» – «Aqtóbe»
«Ordabasy» – «Astana»
«Taraz» – «Oqjetpes»
«Qaısar» – «Tobyl»
«Shahter» – «Jetisý».
Elaman Qońyr.
Derek: egemen.kz.
Sýret: vk.com.