ALMATY. 25 tamyz. Ekinshi Dúnıejúzilik soǵystyń aıaqtalýynyń 70 jyldyǵyna oraı – 3 qyrkúıekte Beıjińde ótetin áskerı sherýge 17 elden 1000 ásker qatysady. Bul týraly sınhýa habarlady.
Eldiń Bas alańynda sarapshylarǵa áskerı paradtyń sońǵy daıyndyqtary kórsetildi. Saltanat kúni barlyǵy 10 000 jaýynger, 500 aýyr tehnıka, 200 áskerı ushaq Qytaı Halyq Respýblıkasynyń áskerı qýatyn baıqatatyn bolady.
Sondaı-aq, Áskerı saltanatty sherýde qytaılyq jaýyngerlermen birge Bas alańnan Reseı men Qazaqstannyń, Mońǵolııanyń áskerleri sap túzep ótedi.
Sherý ótetin Tıananmen alańyndaǵy Halyq Batyrlarynyń Eskertkishi janyna Uly Qytaı qorǵanynyń kóshirmesi turǵyzyldy. Ol úshin eldiń eń tanymal dızaınerleri jumys istedi. Qonaqtar jaıǵasatyn minbe de daıyn, árbir qonaq úshin oryndyq janynan bir quty sý men jańbyrdan qorǵaıtyn syrt kıim ilinip qoıyldy. Qulpyryp hosh ıisti jupar shashqan 3000-nan astam gúl shoqtary alańǵa ár beredi.
Alańnyń qaq ortasyna bıiktigi on metrlik úlken teleekran qoıyldy.
Talǵat Súıinbaı.
Derek, sýret: sınhýa.