ORAL. 6 naýryz. Batys Qazaqstan oblysynda polsııa qyzmetkeri adam óltirip, alty jylǵa sottaldy. Bul týraly egemen.kz tilshisi habarlady.
Batys Qazaqstan oblystyq sotynyń baspasóz qyzmetiniń málimetine súıensek, oqıǵa jelisi bylaı órbigen. Prıýral polısııa bólimi ýchastkelik ınpektorynyń kómekshisi E.Ǵabbasov Iаnvarsev aýylynda turatyn jumys istemeıtin azamatty óziniń úıine qyzmetshi etip alǵan. Alǵashqyda bári jaqsy bolǵanymen kúnder óte kele ol ony «otyrsa opaq, tursa sopaq» jasap, eki aıaǵyn bir etikke tyqqandaı kúı keshtiredi.
Qyzmetshi de tiri jan emes pe?! Bir de ol tártip saqshysynyń mazaǵy men qorlyǵyna shydaı almaı óz namysyn qorǵaı otyryp qatqyldaý sózder aıtyp qalady. Osy kezde kóp sózge kelmegen polısııa ókili oǵan kóptegen dene jaraqattaryn salady. Munymen de tynbaı jábirlenýshiniń bas tusyna aýyr soqqylar jasaıdy. Sonyń saldarynan jábirlenýshi ólip ketken.
Zelenov aýdandyq sotynyń úkimimen E.Ǵabbasov abaısyzda jábirlenýshiniń ólimine soqtyrǵan qasaqana aýyr dene jaraqatyn salǵany úshin QR Qylmystyq kodeksiniń tıisti baby boıynsha alty jylǵa sottaldy. Ol jazasyn jalpy tártiptegi túzeý kolonııasynda óteıdi. Úkim áli zańdy kúshine engen joq.
Temir Qusaıyn.
Derek: egemen.kz.
Sýret: sud.gov.kz.