ASTANA. 6 naýryz. Qazaqstandaǵy orta mektepterdiń joǵary synyptarynda barlyq pán aǵylshyn tilinde ótýi tıis. Bul týraly Qazaqstan Prezıdenti Nursultan Nazarbaev Aqordada ótken áıeldermen kezdesý barysynda málimdedi. Bul týraly Tengrinews.kz tilshisi habarlady.
«Biz bylaı istep jatyrmyz, aǵylshyn tilin birinshi synyptan bastap oqytý kerek bolady. Al 11-12 synyptarda sabaqtar aǵylshyn tilinde ótýi tıis», - dedi Nazarbaev.
Memleket basshysy Malaızııanyń tájirıbesin mysal retinde keltirdi. "Soǵystan keıin táýelsizdik alyp, malaı tilin memlekettik til dep jarııalaýǵa sheshim qabyldady. Biraq ony álemde eshkim bilmeıdi. Sóıtip qaıtadan aǵylshyn tiline aýysty. Sıngapýrda da dál solaı. Unaıdy, unamaıdy emes, bári sol tilde (sóıleıdi), barlyq ınternet keńistik, barlyq IT tehnologııa. Bizge balalardy úsh tildikke úıretý kerek», - dedi ol.
«Bizde memlekettik til - qazaq tili, ol saqtalýy tıis. Biz bárimiz osy tilde oqýymyz kerek. Orys tili - yqpaldastyq tili», - dedi Prezıdent.
Sáken Maılybaı.
Derek, sýret: Tengrinews.kz.