QYZYLORDA. 26 tamyz. Mysyr astanasy Kaırdiń «Ál –Azhar» ýnıversıtetiniń Islam mádenıeti jáne din nasıhaty baǵyty boıynsha ustazy Imad Muhamed ál-baǵrı Muhamed, sharıǵat jáne zań fakýltetiniń Ábý Hanıfa fıkhynyń ustazy Ahmad ál-Amır Muhamed Jáhın Ismaıl Qyzylordada birneshe kezdesýler ótkizdi. Bul týraly egemen.kz tilshisi habarlady.
Kezdesýlerde «Zaıyrly memlekettegi dinniń róli», «Sanany ýalaǵan san aǵym», «Halal túsinigi», «Talaq máselesi», «Iman jáne aqıda» taqyryptarynda turǵyndarmen pikir almasýlar uıymdastyryldy. Sonymen qatar, sheteldik ustazdar jergilikti «Qoǵam TV» telearnasy arqyly «Din men dil» baǵdarlamasyna qatysyp, tushymdy oılaryn jetkizdi.
Aıta ketý kerek, Syr elinde turǵyndar men ımam, moldalardyń biliktiligin damytý, dinı saýattylyǵyn arttyrý baǵytynda QMDB-nyń Qyzylorda oblysy boıynsha ókildigi, ortalyq «Aqmeshit-Syrdarııa» meshitimen birlesken túrde birneshe sharalar turaqty júzege asyrylyp keledi. Sonyń biri aımaǵymyzǵa halyqaralyq deńgeıdegi dintanýshy ustazdardy shaqyryp ýaǵyz-nasıhattar uıymdastyrý bolyp tabylady.
Erjan Baıtiles.
Derek: egemen.kz.
Sýret: muftyat.kz.