Arystarǵa qurmet

Alash ardaqtysy, respýblıka Iýstısııa halyq komıssarıaty sot isterin qadaǵalaý bóliminiń meń­ge­rýshisi bolǵan, elimiz tuńǵysh zań­ger­leriniń biri, aıtýly tulǵa Seı­dázim Qadyrbaevtyń týǵanyna 125 jyl tolýyna oraılastyryp, onyń kindik qany tamǵan Jangeldın aý­danynyń Qyzbel aýylynda taǵy­lymdy is-shara ótkizildi. Qýǵyn-súrgin jyldarynda onyń Vore­nej­de atylǵan jerine urpaqtary byl­tyrǵy kúzde arnaıy baryp, belgi qul­pytas ornatyp qaıtqan bo­la­tyn. Endi bıyl týǵan topyraǵyna qulpytas qoıyp, paryzdaryn ótedi. Erekshe atap óterligi sol, bite quı­ylǵan qos qulpytastyń biri Seı­dázim Qadyrbaevtyń atalas týy­sy Baıuzaq Bázikenulynyń qur­metine arnalǵan edi. Bul jaýynger 1943 jyldyń kúzinde keskilesken urysta mert bolyp, Belarýs res­pýblıkasy Vıtebsk oblysynyń Redkı derevnııasynda jerlengen eken. Sońynda qalǵan urpaqtary áke-atalarynyń basynan topyraq ákelip osynda aza tutyp qoıyp, qos arystyń rýhyna taǵzym etisti. Táýelsizdiktiń arqasynda Otan soǵysynda sheıit bolǵan jaýyn­ger­lerdiń qandaı baýyrlastar zıra­tynda jerlengeni týraly derekter kóptep tabylýda. Bir ǵana osy Qyz­bel boıynan 176 jaýynger eli­ne qaıtpaı qalǵan eken. Solardyń biri qarymdy jornalshy Hanzıpa Bál­dikovanyń nemere aǵasy Qart­baı edi. Hanzıpa apaıdyń tapjyl­maı izdeý salýynyń nátıjesinde aǵasynyń deregi tabyldy. Ol Týla oblysy, Ar­senev aýdanynyń Hlo­povo posel­­­kesinde 1942 jyldyń 4 qańta­ryn­da baýyrlastar zıratyna jerle­nipti. Aǵasynyń jatqan je­rine ádeıi baryp topyraǵyn ákel­gen apaı ony Qartbaı aǵasynyń týǵan jeri Qyz­belge tabystaýdy paryz sanap júr. El úshin janyn pıda qylǵan arystarǵa qandaı rýhanı qamqor­lyq jasalsa da artyq bolmasy belgili ǵoı. Qaısar ÁLIM, Qostanaı oblysy, Jangeldın aýdany.