«Egemenniń» óńirdegi tilshi qosynyna Mahambet aýdanynan Shaǵııa Esmaǵambetova deıtin turaqty oqyrmanymyz habarlasty. Keıin dárigerlerge alǵysyn aıtqan haty qolymyzǵa tıdi. Densaýlyqtyń qadirin bir kisideı biletin jan. О́ıtkeni, ózi de buryn aýdandyq aýrýhanada 45 jyldan asa jumys jasapty. Bylaısha aıtqanda, syrqat jannyń shybyn jany úshin qanshalyqty qınalatynyn jan-tánimen túsinedi. Endi, ózi de kenetten syrqattanyp, múmkindigi shekteýli janǵa, ıaǵnı II toptaǵy múgedekke aınalyp shyǵa kelgen. Árıne, dárigerlerdiń óz isine jaýapkershilikpen qarap, jyly sózimen de emdegenine rızashylyǵyn bildiredi.
– Aýrýhanaǵa túsken mezgilde eń birinshi dárigerlik kómek kórsetken aq halatty abzal jan Nursáýle Qanafınanyń arqasynda bul ómirge qaıta kelgendeı boldym. Sol sekildi Ersaıyn Maev, Ermek Sabyrov, Úmit Kóshenbaeva, Erjan Laqpaevtarǵa da alǵysym sheksiz, – dep jazypty Shaǵııa Esmaǵambetova.
Onyń aıtýynsha, alǵashynda syrqatynyń aýyrlyǵyna baılanysty jan saqtaý bóliminde emdelýine týra kelgen. Keıin oblystyq aýrýhananyń nevrologııa bólimshesine aýystyrylypty. Bul bólimshege túsetinderdiń syrqaty júıkege baılanysty bolǵandyqtan, naýqastarǵa abzal jandardyń bir aýyz jyly sóziniń ózi dárýmennen kem túspeıtini anyq.
– Aıman Sháripqyzyn jas maman kezinen bilemin, – deıdi onyń meıirimge toly júreginen, aıaly alaqanynan syrqatyna shıpa tapqan Shaǵııa Esmaǵambetova. – Ol eńbek jolyn bizdiń Mahambet aýdandyq aýrýhanasynda dáriger-nevropatolog bolyp bastady. Birge jumys jasadyq. Sol ýaqyttan beri dárigerlik qyzmetin jalǵastyryp, men sekildi janyna shıpa izdegen syrqattardyń alǵysyna bólenip keledi.
Aýdandyq aýrýhanada qatardaǵy dárigerlikten eńbek joly túzilgen Aıman Sháripqyzynyń ózi isine jaýapkershilikpen qaraıtyndyǵyna, tájirıbesiniń tolysa túskenine myna bir derekter dálel bolatyndaı. Ony 1987 jyly №1 qalalyq aýrýhananyń, bir jyldan keıin oblystyq aýrýhananyń nevrologııa bólimshesine jumysqa shaqyrypty. Bes jyldan soń nevrologııa bólimshesiniń meńgerýshiligi senip tapsyryldy. Buǵan qosa oblystyń shtattan tys bas nevropatology bolyp ta jumys istedi. Ras, bilikti mamanǵa qashanda suranys ta, laıyqty oryn da tabylady. Biraz jyl oblystyq aýrýhana bas dárigeriniń orynbasar qyzmetin de atqardy.
Osy derekterdiń ózi Aıman Sháripqyzynyń bilimdi, bilikti dáriger ekenin aıǵaqtaı túsedi. Sol sebepten bolar, densaýlyq saqtaýdyń ulttyq biryńǵaı júıesi engizilgen tusta oǵan №7 emhanada jumys jasaýǵa qolqa salynypty. Sóıtip, ol munda medıkalyq-sanıtarlyq kómekti damytý jáne halyqqa joǵary mamandanǵan kómek kórsetý baǵdarlamasymen eńbek etti. Sońǵy eki jyldan beri oblystyq aýrýhananyń nevrologııa bólimshesine jetekshilik etýge ekinshi márte shaqyrtý aldy. Onyń aralasýymen oblystyq aýrýhanada dıagnostıkalyq zertteý qurylǵylary iske qosylyp, onymen aýdandyq, ýchaskelik aýrýhanalar men feldsherlik-akýsherlik beketter deńgeıinde júıke aýrýlaryn tekserý jáne emdeý standarttary, olarǵa kidirissiz shuǵyl medısınalyq járdem kórsetý jónindegi ádistemelik usynystar jasaqtalypty.
Árıne, 30 jyldan astam eńbek ótili bar nevropatolog Aıman Teleýshovanyń eńbegi jemissiz emes. 2009 jyly «Densaýlyq saqtaý isiniń úzdigi» tósbelgisimen marapattalǵan joǵary sanatty dáriger tolymdy tájirıbesimen bólisip turady. Sonyń bir dáleli – 2008 jyly Vena qalasynda ótken ınsýlt syrqaty boıynsha VI dúnıejúzilik kongreske qatysýy. Jastardy udaıy qoldaıdy. Birneshe shákirt tárbıelegen. Qazir shákirtteri aýdandyq, qalalyq emdeý mekemelerinde, tipti, iri sheteldik kompanııalardyń klınıkalarynda da eńbek etedi. Jıyrma jyl boıy Atyraý medısınalyq kolledjinde nevrologııa páninen dáris oqıdy. Onyń eńbekqorlyǵy men biliktiliginen, Gıppokrat antyna adaldyǵynan úırengisi keletinder kóp. О́ıtkeni, Aıman Sháripqyzy syrqat jandardy medısına tásilimen emdeý úshin ýaqytpen sanaspaıdy. Jyly sózin de, bar meıirimin de aıamaıdy.
Osy maqalanyń jazylýyna sebepker bolǵan oqyrmanymyz Shaǵııa Esmaǵambetovanyń hatymen birge qolymyzǵa tıgen alǵysqa toly paraqtarda bólimshe ujymyna, ásirese, meńgerýshi Aıman Teleýshovanyń atyna bir top emdelýshiler, máselen, Baqyt Jákeeva, Klara О́teeva, Nursultan Súlekenov, Rústem Saqtaǵanov, Qurmanǵazy Luqpanov, Ábýǵalı Sapıev, Baqtygúl Qarabalıeva jáne Baqtyly Qýanovalar shynaıy kóńilden shyqqan rızashylyqtaryn bildiripti. Máselen, II top múgedegi Ersaıyn Myrzaǵalıev bylaı deıdi:
– On jyl boıy tósekke tańylyp jattym. Dárigerim, aq halatty abzal jan Aıman Sháripqyzynyń shıpaly eminiń nátıjesinde óz aıaǵyma turdym. Bul maǵan qaıtadan ómirge kelgendeı áser etti. Emdelýshilerdiń syrqatyn, jaǵdaıyn muqııat tekserip, bólimshede kúni-túni júretin dárigerime aıtar alǵysym sheksiz.
Iá, barsha medısına qyzmetkerleri úshin, ásirese, nevropatolog Aıman Teleýshova úshin emdelýshilerdiń shyn júreginen shyqqan alǵysyn alǵannan artyq qandaı baqyt bar deseńizshi!
Joldasbek ShО́PEǴUL,
«Egemen Qazaqstan».
Atyraý oblysy.