Sizderdi Qazaqstan halqy Assambleıasy atynan 8 Naýryz – Halyqaralyq áıelder kúni merekesimen shyn júrekten quttyqtaımyz!
Qazaqstan halqy Assambleıasynyń jyly bul merekeniń orny erekshe. Bıyl búkil elimiz Konstıtýsııanyń – 20, Qazaq handyǵynyń – 550, Uly Otan soǵysyndaǵy Jeńistiń 70 jyldyǵyn keńinen atap ótedi.
Bul dataly kúnder árbir áıel-analarymyz úshin mańyzdy – onyń astarynda beıbitshilik pen kelisim, bolashaqqa degen zor senim jatyr.
Elimizdiń Prezıdenti – Elbasy N.Á.Nazarbaev «Nurly Jol – bolashaqqa bastar jol» atty Joldaýynda turaqtylyq pen kelisim, ol áýeli «otbasylyq ál-aýqat, qaýipsizdik, baspana», dep atap aıtty. Beıbitshilik, aldymen, ata-ana bolýdyń qýanyshy, áke-sheshelerimizdiń densaýlyǵy men balalardyń baqyty.
Áıelder – álemge meıirim men jańa ómir syılaýshy názik jan ıeleri. Árbir shańyraqtyń shattyǵyn jarastyryp otyrǵan aıaýly jandarǵa zor qurmet kórsetý qaı urpaqtyń da perzenttik paryzy bolyp qala bermek.
Otbasynyń yntymaǵyn saqtaýshy analardyń orny qoǵamda erekshe. Birlik otbasynan bastaý alady. Sol sebepti, Qazaqstan halqy Assambleıasy janynan barlyq óńirlerde «Analar keńesi» quryldy. Bul keńes óz ornyn aıshyqtap, keler urpaq úshin tálim men tárbıeniń irgesi, berik shańyraǵyna aınaldy.
Qurmetti aıaýly jandar!
Tabıǵat-ananyń jańaryp, meıirim shýaǵyn ala keletin kóktemniń alǵashqy merekesi barshańyzǵa qutty bolsyn! Sizder bul ómirge tek izgilik pen jylylyq, meıirim men shýaq syılaýshy jandar ǵana emes, tirshilik ataýlynyń eń asyl qazynasy degen qurmetke laıyqsyzdar. Shańyraqtaryńyzǵa shattyq, zor densaýlyq, eńbekterińizge tabys tileımiz. Arman-tilekterińiz oryndalsyn.Táýelsiz Qazaqstannyń ósip-órkendeýi jolynda bıik belesterge birge jeteıik!
Qazaqstan halqy Assambleıasy