ASTANA. 10 naýryz. «Chelsı» fýtbol komandasynyń qorǵaýshylary Djon Terrı men Branıslav Ivanovıch ekeýi bıylǵy maýsym bastalǵaly 12 dop soqqan. Atalǵan kórsetkish «Manchester Iýnaıtedtiń» shabýylshylary Radamel Falkao men Anhel Dı Marııanyń nátıjesinen kóp. Bul týraly eurosport.ru habarlady.
Búginge deıin Aǵylshyn premer-lıgasynda 28 týr ótti. Sodan beri Terrı men Ivanovıchtiń árqaısysy qarsylastarynyń qaqpasyna 6 doptan soqqan. Iаǵnı, eki qorǵaýshy maýsym basynan beri 12 goldyń avtory atanǵan. Al Falkao men Dı Marııanyń enshilerinde 8 dop bar. Búginge deıin olardyń árqaısysy 4 márte mergendigimen kózge túsken.
«Manchester Iýnaıted» qos shabýylshyny osy maýsymnyń basynda attaı qalap satyp alǵan edi. Klýb basshylyǵy kolýmbııalyq pen argentınalyq shabýylshydan kóp úmit kútse de ázirge senim aqtalmaı keledi.
Qazirgi tańda aǵylshyn chempıonatynda «Chelsıdiń» kósh bastap turǵanyn aıta keteıik. Ataqty Joze Moýrıno jattyqtyratyn komandanyń enshisinde 63 upaı bar. Al «Manchester Iýnaıted» 53 upaımen týrnır kestesinde 4-satyda keledi.
Kelesi týrda londondyqtar «Saýtgemptondy» qabyldasa, Lýı Van Galdyń shákirtteri óz alańdarynda «Tottenhemmen» kúsh synasady.
Elaman Qońyr.
Derek: eurosport.ru.
Cýret: sports.ru, thepeoplesperson.com.