ASTANA. 10 naýryz. Máskeýdiń «Lokomotıv» komandasynyń shabýylshysy Dmıtrıı Sychıov búgin Qazaqstan fýtbol klýbtarynyń birimen kelisimshartqa otyrady. Bul týraly «Sport-Ekspress» habarlady.
«Qazaqstandaǵy bir klýbpen kelissóz júrip jatyr. Bári seısenbi kúni keshke belgili bolady dep oılaımyn. Áńgime ony qarasha aıyna deıin jalǵa berý týrasynda bolyp otyr «Qazaqstanda chempıonat «kóktem – kúz» júıesi boıynsha ótedi», - dep keltirdi «Sport-Ekspress» temirjolshylardyń sporttyq dırektory Kırıll Kotovtyń sózin.
Eske sala keteıik, Dmıtrıı «Lokomotıv» sapynda 2004 jyldan beri oınap keledi. Sportshy 2013 jyly Mınskiniń «Dınamosyna», 2014 jyly Nıjegorodtyń «Volgasyna» jalǵa berildi.
Dmıtrıı Sychıov 1983 jylǵy 26 qazanda Omby qalasynda týǵan. 2002-2010 jyldary Reseı quramasy sapynda oınady. Ol quramamen birge 2008 jyly Eýropa chempıonatynyń qola júldegeri atandy. Reseıdiń 2004 jylǵy chempıony. Sol jyly Reseıdiń oıynshylar saýaldamasy boıynsha da, jýrnalıster saýaldamasy boıynsha da eń úzdik fýtbolshysy boldy. 2008 jyly Reseı sportyna eńbegi sińgen sheber ataǵyn aldy.
Damır Qojamqul.