ASTANA. 10 naýryz. Búgin túnde fýtboldan chempıondar lıgasy 1/8 fınaly qarymta matchtary bastalady. Portýgalııanyń Portý qalasynda «Portý» komandasy – Shveısarııa Bazeliniń «Bazelin», Ispanııanyń Madrıdinde «Real» nemistiń «Shalke-04» komandasyn qabyldaıdy. Bul týraly «Chempıonat.Rý» habarlady.
Atalǵan komandalar 1/8 fınaldyń birinshi oıynyn 18 aqpan kúni ótkizgen bolatyn. Onda birinshi jup komandalary 1:1 esebimen teń oınasa, kelesi jupta madrıdtikter qonaqta oınaǵanyna qaramastan 2:0 esebimen jeńip qaıtqan edi.
«Portý» - «Bazel»
Kón: «Portý» eki taımda bir-bir goldan soǵady, yqtımaldylyǵy - 2.44.
«Bazel» birinshi kezdesýde óziniń bir dop aıyrmashylyqpen jeńip turǵan basymdylyǵyn ustap qala almady. Endi onyń 1/4 fınalǵa shyǵýy aıtarlyqtaı qıyndap ketip otyr. Oǵan qaraǵanda, «Portýdyń» tájirıbesi kópteý, joǵary dárejeli oıynshylary da barshylyq. Sondyqtan bul joly óz alańynda oınaıtyn portýgaldardyń múmkindikteri edáýir joǵary.
«Real» (Madrıd) - «Shalke»
Kón: eki komanda da gol soǵady, yqtımaldyǵy - 2.02.
Bylaı qaraǵanda, ótken joly syrt alańda eki dop aıyrmashylyǵymen jeńip qaıtqan «Realdyń» kelesi kezeńge oılanbaı óte alatyn jóni bar. Biraq ıspandar dál qazir onshalyqty jaqsy jaǵdaıda turǵan joq. Al qonaqta jaýapsyz eki gol soǵý talap etiletin «Shalkeniń» sońǵy kezderi qorǵanysqa aıtarlyqtaı artyq kóńil bólip júrgenin de umyta qoımasaq kerek.
Býkmekerler oıynnyń taǵdyryn boljaýdyń qıyn ekenin aıtyp otyr. Sońǵy kezderi «Real» ashyqtan-ashyq nashar oınap keledi, Anchelottı komandasynyń oıyny úılese qoımaı júr, onyń sapyndaǵy Modrıch, Hames jáne Serhıo Ramos sekildi oıynshylardyń matchqa shyǵa almaıtyndary muny odan beter qıyndata túsýde. Bulardyń arasynda búgin horvattyń ǵana oınaı alýy múmkin. Ronaldý ózine keıingi kezderi doptyń kóp jete bermeıtinin shaǵym etýde. Al «Shalkege» bul kezdesýde batylyraq oınaý kerek...
Damır Qojamqul.