Partııa Saıası keńesiniń keńeıtilgen otyrysy

Keshe Astanada «Nur Otan» partııasy HVI sezi qarsańynda partııanyń Saıası keńesiniń keńeıtilgen otyrysy ótti, dep habarlady partııanyń baspasóz ortalyǵy. Otyrys barysynda partııanyń Saıası keńesiniń músheleri birqatar máselelerdi qarady. Ol 2011-2014 jyldardaǵy Saıası keńes, Ortalyq baqylaý-revızııalyq komıssııa jumysynyń qorytyndylary, sondaı-aq, partııanyń XVI cezi organdarynyń jumysyn uıymdastyrý. Atap aıtsaq, «Nur Otan» partııasy Saıası keńesiniń sheshimimen ótetin Sezdiń qaraýyna kelesi kún tártibi engizildi: «Nur Otan» partııasynyń atynan Qazaqstan Respýblıkasy prezıdenttiginen úmitkerdi usyný. Partııanyń Saıası keńesi men Ortalyq baqylaý-revızııalyq komıssııasynyń eseptik merzimdegi jumysynyń qorytyndysy. Partııanyń Saıası keńesi men Ortalyq ba­qy­laý-revızııalyq komıssııasy múshelerin saılaý. Otyrystyń jumysyna 300-den astam adam qatysty: Saıası keńestiń músheleri, partııanyń Ortalyq apparatynyń basshylyǵy, Parlament Májilisindegi «Nur Otan» fraksııasynyń mú­she­leri, partııanyń aımaqtyq fılıaldary tóra­ǵa­larynyń birinshi orynbasarlary, Ortalyq baqylaý-revızııalyq komıssııanyń músheleri jáne basqalar. Atap óterlik másele – «Nur Otan» partııasynyń Jarǵysyna sáıkes, Saıası keńes partııanyń sezder aralyǵyndaǵy joǵary ókiletti organy bolyp tabylady.