Qoǵamdyq qabyldaý

Oǵan «Qazposhta» AQ aýyldyq bólimsheleri arqyly ótinish berýge bolady Aýyldyq eldi meken turǵyndary «Nur Otan» partııasynyń qoǵamdyq qabyldaýyna «Qazposhta» bólimshelerinde ornatylǵan beınekonferens­baılanys arqyly ótinishterin bere alady. Bul múmkindik «Nur Otan» partııasynyń «Qazposhta» kompanııasymen seriktestigi nátıjesinde iske asyrylyp otyr, sonyń barysynda poshta baılanys bólimshelerinde ǵalamtorǵa kirý múmkindigi bar 50 núkte ashylady. Skype arqyly beınebaılanyspen shalǵaıdaǵy eldi meken turǵyndary partııanyń qoǵamdyq qabyldaýyna, «Nur Otan» partııasy fraksııasynyń músheleri – depýtattar: májilis pen máslıhattaǵy, ortalyq jáne jergilikti memlekettik organdar basshylaryna ótinish bere alady. Bul azamattardy qamtýdy ulǵaıtýǵa, ózekti máselelerdi qaraýdyń sanyn arttyrýǵa, memlekettik organdardyń qyzmeti, parlamenttik fraksııa jumysy jáne memleket qabyldaǵan daǵdarysqa qarsy sharalar týraly aqparat alýǵa múmkindik beredi. «Nur Otan» partııasy kóp tarmaqty qoǵamdyq qabyldaý jelilerine ıe, biz úshin olardyń ár aýyl turǵynyna qoljetimdi bolǵany mańyzdy. «Qazposhta» posh­ta baılanysynyń ulttyq operatory retinde aýyldyq jerlerde qoǵamdyq baqylaý jetetin qyzmet kórsetýge múddeli. Partııanyń «Qazposhta» AQ-pen seriktestigi arqasynda aýyl tur­ǵyndarynyń oblys ortalyǵy men Astanaǵa barýy qajettiliginsiz júgi­nisteri men usynystaryn joldaýy­na, sonymen qatar, memlekettik organ basshylarynyń qabyldaýyna jazylýyna múmkinshiligi týǵandyǵyn Aqtóbe qalasyndaǵy baspasóz máslıhaty barysynda «Nur Otan» partııasynyń respýblıkalyq qoǵamdyq qabyldaýynyń basshysy Abylaıhan Ospanov atap ótti. Memleket basshysynyń tapsyrmasymen jeti jyl buryn qurylǵan aımaqtardaǵy qoǵamdyq qabyldaýlar kóptegen azamattar úshin memlekettik organdar jáne depýtattarmen baılanys úshin tıimdi qural bolyp otyr. Qazirgi ýaqytta respýblıkamyzda partııanyń aqysyz zańgerlik keńes qana emes, sonymen qatar, naqty máseleler boıynsha kómek beretin 241 qoǵamdyq qabyldaýy jumys jasaýda. О́z kezeginde «Qazposhta» AQ-tyń aýyldyq bólimshelerindegi ǵalamtorǵa kirý múmkindigi bar 50 núkteniń ashylýy azamattar júginisiniń jedel qaralýyna yqpal etedi jáne memlekettik organdar men depýtattardyń turǵyndarmen ózara qarym-qatynasyn arttyra túsedi. «Qazposhta» AQ áleýmettik-jaýap­kershilikti kompanııa bola otyryp, osyndaı bólimshelerdi qurý arqyly turǵyndar úshin memlekettik qyzmetterdi kórsetý sapasyn arttyrý jolynda naqty qadamdar jasaýda. Búgingi tańda elimiz boıynsha qazaqstandyq poshtanyń 3200-den asa bólimshesi, 14 oblystyq jáne respýblıkalyq maǵynadaǵy 4 fılıaly bar. Osy qyzmet uıymdastyrylǵan bólimshelerdiń tizimin kompanııanyń www.kazpost.kz.resmı saıtynan alýǵa bolady. «Egemen-aqparat».