QOSTANAI. 11 naýryz. Qostanaıdaǵy mektep oqýshylary halyqaralyq «Jas ǵalym» baıqaýynan tabyspen oraldy. Qostanaılyqtar úsh atalym boıynsha jeńimpaz atandy. Olar endi óz ónertabystaryn patentteýdi oılastyryp otyr. Bul týraly alau.kz habarlady.
11-synyp oqýshysy Arman Qabdyshev halyqaralyq bilim jarysyna ósimdik zııankesterine qarsy ózi oılap tapqan preparatyn apardy. Arman Qabdyshev: «Men oılap tapqan preparat ekologııalyq tazalyǵymen erekshelenedi, adam aǵzasyna zııansyz. Qazirgi hımııalyq preparattar qorshaǵan ortany lastaıdy», dedi. 11-synyptaǵy Arman Qabdyshev pen Olas Súndetbaev óz atalymy boıynsha sýyrylyp alǵa shyqty. Olar baıqaýdyń altyn medali men óz atyna jazylǵan dıplommen marapattaldy. Oljas Súndetbaevtyń jumysy tym ınnovasııalyǵymen erekshelenip, ol alǵashynda júreksingen bolatyn. Alaıda, onyń táýekeli úmitin aqtady.
Oljas Súndatbaev: «keńistikte tepe-teńdikti saqtaýdy vertolet qurastyrýda jáne smortfon óndirisinde paıdalanýǵa bolady» deıdi. Qazir jas ǵalymdar óz jańalyqtaryn patentteý úshin qujattar jınastyryp jatyr. Ońtústik Koreıadaǵy «Jas ǵalymdar» halyqaralyq baıqaýyna Qostanaıdan 6 oqýshy qatysty. Onyń tórteýi tabyspen oraldy. Olar oblys ortalyǵyndaǵy №7 mekteptiń, Qazaq-túrik lıseıiniń, «Ozat» aryndy balalar mektebiniń jáne Zatobol gımnazııasynyń oqýshylary.
Názıra Járimbetova.
Derek, sýret: alau.kz.