ASTANA. 11 naýryz. «Islam memleketi» lańkestik uıymy Saliphate book dep atalatyn Facebook áleýmettik jelisiniń balamasyn jasap shyǵardy. Bul týraly reuters.com habarlady.
Saliphate book sózi «halıfat kitaby» degen maǵynany bildiredi. Atalmysh jeli tehnıkalyq aqaýlarǵa baılanysty ázirge jumysyn toqtatyp turǵan kórinedi. Jeli ashylǵan sátte birneshe adam oǵan tirkelip úlgeripti.
Ony qurastyrýshylardyń aıtýynsha, áleýmettik jeli Twitter jáne Facebook jelilerinde almasýǵa bolmaıtyn aqparattardy qabyldap, jiberý úshin ashylǵan. Bul saıt ıspan, golland, portýgal, aǵylshyn, túrik, ındonezııa jáne ıavan tilderine aýdarylypty.
Portal ádettegi áleýmettik jeli sııaqty, biraq onda «Islam memleketiniń» logotıpi bar. Ol tanymal SocialKit platformasynda jasalǵan. Mamandar Saliphate book jelisiniń Iraktyń Mosýl qalasynda tirkelgenin, biraq mysyr serverlerin qoldanatynyn anyqtady.
Jelini qurastyrýshylar ózderin «Islam memleketi» qarjylandyratynyn málimdegen. Olar sondaı-aq, osy jelini jasaý arqyly ózderiniń álemmen birge damyp kele jatqandaryn da dáleldeıtinderin jetkizgen.
Joldybaı Bazar.
Derek: reuters.com.
Sýret: haggin.az.