Petropavl. 11 naýryz. Aýyl sharýashylyǵy mınıstrligi agroónerkásiptik keshendegi memlekettik ınspeksııa komıtetiniń buıryǵymen Beket Qaýashanuly Nuǵymanov «Respýblıkalyq fıtosanıtarlyq dıagnostıka jáne boljamdar ádistemelik ortalyǵy» memlekettik mekemesiniń Soltústik Qazaqstan oblystyq fılıalynyń dırektory bolyp taǵaıyndaldy. Bul týraly oblystyq ákimdiktiń baspasóz qyzmeti habarlady.
B.Nuǵymanov Kırov atyndaǵy Omby aýyl sharýashylyǵy ınstıtýtyn ǵalym-agronom, M.Qozybaev atyndaǵy Soltústik Qazaqstan memlekettik ýnıversıtetin memlekettik basqarý mamandyqtary boıynsha támamdaǵan.
Eńbek jolyn 1986 jyly Reseıdiń «Zapsıbgıprozem» Omby fılıalynyń ınjenerliginen bastap, Omby aýyl sharýashylyǵy ınstıtýtynda jabdyqtaý bóliminiń agenti bolyp eńbek etken.
Ár jyldary Beskól aýdanyna qarasty «Rassvet» keńsharynyń agronomy, Aqqaıyń aýdanyndaǵy Novorossıısk aýdandyq mamandandyrylǵan sharýashylyq birlestiginiń bólimshe basqarýshysy, Aqqaıyń aýdandyq aýyl sharýashylyǵy bóliminiń basshysy qyzmetterin atqarǵan. Keıin oblystyq aýyl sharýashylyǵy departamenti basshysynyń orynbasary, Mamlıýt aýdanynyń ákimi , «Sultan elevator-dıirmen-makaron kesheni» aksıonerlik qoǵamynyń syrtqy baılanystar jónindegi dırektory qyzmetterin atqarǵan.
О́mir Esqalı.
Derek, sýret: Soltústik Qazaqstan oblystyq ákimdiginiń baspasóz qyzmeti.