ASTANA. 11 naýryz. «Manchester Iýnaıtedtiń» shabýylshysy Radamel Falkao men qaqpashy Vıktor Valdes komandanyń U-21 quramy úshin alańǵa shyqpaq. Bul týraly egemen.kz habarlady.
«MIý»-dyń bas jattyqtyrýshysy Lýı Van Gal osyndaı sheshim qabyldap otyr. Soǵan oraı, fýtbolshylar búgin «Tottenhemmen» bolatyn oıynǵa qatysý úshin jattyǵý jasaýda. Van Gal Falkaony negizgi quramda alańǵa shyǵarmaq. Atalǵan eki fýtbolshydan bólek, 21 jasqa deıingi oıynshylardyń qatarynda Andreas Pereıra men Djeıms Ýılson da bar. «MIý»-dyń bas komandasynan oryn taba almaı júrgenderdi Van Gal myrza osylaı synap kórmek. Falkao osy maýsymnyń basynda Fransııanyń «Monakosynan» aýysyp kelse, Valdestiń «qyzyl soıqandardyń» sapyna qosylǵanyna kóp bolǵan joq. Ispanııalyq qaqpashy ótken qysqy transferlik maýsymda kelgen edi. Ázirge «Manchester Iýnaıted» úshin eshqandaı oıyn ótkizbedi. Al Falkao búginge deıin 20 oıyn ótkizip, 4 goldyń avtory atandy. Áıtse de, sońǵy eki oıynda Van Gal Falkaony alańǵa shyǵarmady.
Elaman Qońyr.
Derek: egemen.kz.
Sýret: vk.com.