ASTANA. 11 naýryz. Astanadaǵy Táýelsizdik saraıynda ótken «Nur Otan» partııasynyń kezekti XVI sezinde Memleket basshysy, partııa Kóshbasshysy Nursultan Nazarbaev prezıdent saılaýǵa qatysty Abaıdyń qara sózin eske saldy. Bul týraly «QazAqparat» habarlady
«Abaı úshinshi qara sózinde bylaı deıdi: Úsh jylǵa bolys saılanady. Áýelgi jyly «seni biz saılamadyq pa?» dep eldiń buldanǵanyna jaýap berýmen kúni ótedi. Ekinshi jyly kandıdatpen, kelesi kandıdatpen ańdysyp kúni ótedi. Úshinshi jyly «taǵy da bolys bolyp qalýǵa múmkindik bolar ma eken?» deýmen kúni ótedi. Abaı «sonda nesi qaldy?» deıdi. Qandaı shyndyq! Júz jyl buryn aıtyp ketken shyndyq», – dedi Nursultan Nazarbaev.
«Saılaý qur ánsheıin saılaý ótkizý úshin emes, eldi birlikke shaqyryp, jurtty eńbekke uıytý úshin bolsa ǵanıbet», – dep túıindedi Memleket basshysy.
Joldybaı Bazar.
Derek, sýret: «QazAqparat».