ASTANA. 11 naýryz. Almaty qalasy Naýryzbaı aýdanynda 4 qabatty úı órtendi. Bul týraly «Almaty» telearnasy habarlady.
Habarlamada kórsetilgendeı, tańǵy saǵat 9-da qalalyq tótenshe jaǵdaılar departamentine Naýryzbaı aýdanyndaǵy kópqabatty úılerdiń biriniń shatyry janyp jatqany týraly aqparat túsedi. Oqıǵa ornyna jetken órt sóndirýshiler saǵat 9:54-te órtti óshirgen. Keıin belgili bolǵandaı, úıdiń 450 sharshy metr aýmaǵy órtengen. Tilsiz jaýdyń betin qaıtarýǵa órt sóndirý qyzmetiniń 10 tehnıkasy jumyldyrylǵan.
Qazir oqıǵanyń shyǵý sebebi anyqtalyp jatyr. Qala ákimshiligi zardap shekken otbasylarǵa ýaqytsha ornalasatyn jaı taýyp berýdi qarastyrý ústinde.
Joldybaı Bazar.
Derek, sýret: «Almaty» telearnasy.