ASTANA. 11 naýryz. Qazaqstanda jemqorlyqpen kúres júrgizetin jańa bólimshe qurylady. «Nur Otan» partııasynyń sezinde sóılegen sózinde Memleket basshysy Nursultan Nazarbaev osylaı dedi. Bul týraly Tengrinews.kz habarlady.
Prezıdent memlekettik qyzmet týraly jańa zań jasalýy kerek ekenin atap ótti.
«Barlyq deńgeıdegi memlekettik qyzmetkerlerdi tolyq attestasııadan ótkizip, merıtokratııa qaǵıdattaryn qorǵaý men jemqorlyqqa jol bermeýdiń júıesin qalyptastyrý kerek. Bul úshin memlekettik qyzmet isteri jáne jemqorlyqqa qarsy kúres agenttiginiń quramynan jemqorlyqpen kúresetin jańa bólimshe ashý kerek. Qyzmettiń ózin nyǵaıtý kerek», - dedi Nazarbaev. Ol memlekettik qyzmet jóninde jańa zańnyń nege kerek etiletinin túsindirdi.
«Memlekettik qyzmet, etnostyq jáne dinı erekshelikterine qaramastan, jurttyń bárine ózin kórsetýge birdeı múmkindik beriletin ádil qoǵamnyń kórinisi bolýǵa tıis», - dep atap ótti Memleket basshysy.
Sáken Maılybaı.