ASTANA. 3 sáýir. Joǵary hokkeı lıgasynda «Bratına» kýbogyna talasqan Qaraǵandynyń «Saryarqasy» jartylaı fınaldan asa almady. «Torospen» bolǵan tórtinshi oıynda bizdiń komanda 0:2 esebimen jeńildi. Bul týraly egemen.kz habarlady.
Neftekamskide ótken oıynnyń alǵashqy kezeńinde jankúıerler gol kóre almady. Al ekinshi kezeńde aıdyn ıeleri esep ashyp, basymdyqqa ıe boldy. Komandasyn alǵa shyǵarǵan hokkeıshi – Alekseı Mıtrofanov (33-mınýt).
Sheshýshi kezeńde «Saryarqa» hokkeıshileri namysqa tyrysyp, qarqynyn kúsheıtti. Degenmen, «Bratına» kýbogynyń qazirgi ıegerlerine sáttilik jetispedi. Qajet nátıjege qol jetkizgen «Toros» oıynnyń úshinshi bóliginde kóbinde qorǵanysqa kóńil bóldi. Desek te, reti kelgende qarymta shabýyldy da umytqan joq. Kezdesýdiń sońǵy mınýtynda qaraǵandylyqtar sapynan bir oıynshy kishi aıyppen jazalandy. Bul múmkindikti múlt jibermegen «Toros» oıynshylary 60-mınýtta esepti eselep, fınalǵa beriler joldamaǵa ıe boldy.
Osylaısha qos komanda arasyndaǵy jartylaı fınaldyq básekeniń jalpy esebi reseılikterdiń paıdasyna 4:0 boldy.
«Toros» fınalda Tverdiń THK-si men Ijevskiniń «Ijstali» arasyndaǵy jeńimpazben kúsh synasady. Bul jupta ázirge úsh oıyn ótti. Alda «Ijstal» komandasy keledi (2:1).
Elaman Qońyr.
Derek: egemen.kz.
Sýret: hc-saryarka.com.