Aýyldyq jerlerde sporttyń buqaralylyǵyn arttyrýda “Aq bıdaı” oblystyq spartakıadasynyń mańyzy erekshe. Bıyl da bul mereke óz deńgeıinde atalyp ótti. Jarys shymyldyǵy Esil aýdanynyń ortalyǵy – Iаvlenka kentinde ashyldy. Saltanatty jıynda sóılegen oblys ákimi Serik Bilálov Elbasy Joldaýynda aıtylǵan qazaqstandyqtardyń keminde 30 paıyzyn sportqa tartý mindetiniń mańyzyna toqtala kelip, jarysqa qatysýshylarǵa jeńis tiledi.
Spartakıada fýtbol, basketbol, voleıbol, erkin kúres, ústel tennısi, jeńil jáne aýyr atletıka, velojarys sekildi sporttyń 12 túrin qamtyp, 13 aýdannan bir myńǵa tarta sportshy ózara kúsh synasty. Doda asa tartysty ótip, aqtyq synǵa deıin kimniń jeńimpaz atanary belgisiz bolyp keldi. Máselen, jumabaevtyqtar doıbydan eshkimge des bermese, tımırıazevtikter beltemir kóterýden aldaryna jan salmady. Taıynsha aýdanynyń quramasy pnevmatıkalyq myltyqtan atýdan quralaıdy kózge atqan surmergender bolyp shyqty.
Desek te, jalpykomandalyq esepte alań ıeleri – Esil aýdanynyń sportshylary eń kóp upaı jınap, jeńistiń eń bıik tuǵyryna kóterildi. Olarǵa oblys ákiminiń júldesi – “ÝAZ” jeńil kóligi tabys etildi. Ekinshi, úshinshi oryndardy ıelengen Qyzyljar jáne Taıynsha aýdandaryna sporttyq velosıpedter men jattyǵý trenajerleri tartý etildi.
О́mir ESQALI.
Soltústik Qazaqstan oblysy, Esil aýdany.