“ShAŃYRAQTYŃ” ShATTYǴY

Osydan biraz jyldar buryn Al­­ma­­tyǵa qarasty “Shańyraqtyń” tó­ńi­regindegi alaıaqtardyń arbaýyna al­dan­ǵan, jalǵan qujattarmen rá­sim­delgen jer telimderinen týyn­daǵan shataqtar kóp ýaqytqa deıin osy tó­ńi­rekten jer alǵysy kelgen jurtshy­lyqtyń bárin san soqtyr­ǵany bel­gili. “Shyn jylasa, soqyr kózden jas shyǵar” degendeı, aldan­ǵanymyzdy bil­gennen keıin kópshilik qaýym ot­tyń ushqynyndaı ǵana úmi­ti­mizdi esh­ýaqytta da úzgen emespiz. Elim, je­rim dep óz baýyr­la­ry­­myz­dyń kóshine qosylyp, qazaǵy­myzdyń dańqyn as­qaqtatý jolynda barlyq qıynshy­lyq­­­tarǵa tózemiz dep kel­gende, qasıet­ti qazaq jeri, qara sha­ńyraq bizdi dala­ǵa qaldyrmaıtynyna kámil sendik. Elbasynyń tikeleı qa­daǵalaýymen, bıliktiń belsene arala­sýymen kóp uzamaı máseleniń túıt­kili oń nátı­je­lermen sheshilip jat­ty. Atajurtyn ańsap, tarıhı Ota­ny­na oralǵan, ózge elde sultan bolǵan­nan góri óz eliniń ul­tany bolýǵa beı­il baýyrlas otan­das­tar men eli­mizdiń basqa da aımaq­ta­rynan kóship kelgen ot­basylarǵa zańdy jer telim­d­e­­riniń qujattary úlestirildi. “Basy qatty bolsa, sońy tátti bolady”, de­mek­shi alǵashynda daýǵa toly meken dáý­leti tasyǵan qutty jerge aınaldy. Bul óńir qaladaǵy Alataý aýda­ny­na qaraıdy. Osy aýdanda eki jyl ishinde úsh myńnan astam otbasy “Jer týraly memlekettik aktini” qoldaryna alyp, úreıli sezimderin úmit pen qýanysh arqyly úkiledi desek qatelespeımiz. Bılik tarapynan jasalynyp jatqan ıgi istermen, josparlanyp jatqan jumystarmen kúndelikti buqaralyq aqparat quraldary ar­qyly kórip, estip, oqyp júrmiz. Sal­maqty isterdiń jaýapkershilikterin óz elimizdiń perzenti retinde túsinis­tikpen qarap, qýanyshqa bólenýdemiz. Alataý aýdany­nyń ortalyǵy “Shańyraq-2” shaǵyn aýdany búgingi tańda kóz aldymyzda gúldenip keledi. Boı kótergen №164 balabaqsha qazirgi zaman talaptaryna saı, óte ásem ǵımarat. Alla amandy­ǵyn berse, talaı búldirshinder, elimiz­diń erteńi sanalatyn órender osy jer­den al­ǵash­qy oqý tárbıelerin almaq. Sonymen qatar, jýyq arada sheteldik qurylǵylarmen, tehnologııalarmen jabdyqtalǵan aýdan emhanasy da esigin aıqara ashpaq. Ákimdik mańaıy­nan qaz-qatar ashylyp jatqan halyqqa qyzmet kórsetý ortalyǵy, prokýratýra, sot, salyq basqarmasy syndy qyzmet oryndarynyń bir jerde shoǵyrlanýy el úshin óte tıimdi bolyp otyr. Alataý aýdanynyń tóńireginde nátıjeli jumys atqaryp júrgen úki­­­met­tik emes uıymdardyń qataryna ja­­­tatyn qoǵamdyq uıymdar men bir­lestikter jeterlik. Máselen, JО́О́BK men “Shańyraq-Igilik” qoǵamdyq birlestik­terin aıtýǵa bolady. Bul eki qoǵamdyq uıymnyń basy-qasynda ja­n­­­ashyr ári batyl qadamdardan taı­salmaıtyn, ózi názik jandy bolsa da qaısarlyǵymen kózge túsetin Alma Me­deýbaevanyń eń­begin aıtpaı ket­pes­ke bolmas. Qoǵamdyq jumysqa ábden ysylyp alǵan tóraıym “Oralman­darǵa kómek jáne olardy áleýmettik beıimdeý qyzmetin uıymdas­tyrý”, “Alataý aýdanynyń damý erek­shelikterin zertteý”, “Aqparattyq bırja kómegimen Al­ma­ty qalasyndaǵy shaǵyn kásipker­lik­tiń ınnovasııalyq jobala­ryn daǵ­darysqa qarsy qoldaý” atty áleý­mettik jumystarǵa basshylyq etip, árqaısysymyzdyń óz úlesteri­mizdi qosýǵa múmkindik jasap keledi. Aý­danymyzdyń damýyna, órkendeýine tonnyń ishki baýyndaı jaqyn, qoıan-qoltyq jumys istep kele jatyrmyz. Nebári eki jyldyń ishinde kóshe­mizdiń basym kópshiligine asfalt tóselip, jerlerimiz zańdastyrylyp, aýdan elektr qýatymen, tabıǵı gaz­ben, aýyz sýmen tolyq qamtamasyz etildi. Sondyqtan da osyndaı ıgi is­terdi atqaryp júrgen bılik ba­syn­da­ǵylar men aýdan basshylaryna al­ǵysymyz sheksiz. Olaı bolsa básekege qabiletti bolyp, jasampaz eldiń atyna laıyq bolý úshin el perzenti retinde biz de aıanbaı eńbek etemiz. Halyq ıgiligi úshin jol bas­taǵan, naqty qadamdarǵa baǵyt sil­tegen eldiń tireýi, ulttyń janashyry bolamyz. Eldiń erteńine erinbeı eńbek etemiz! G.Bılibaeva, S.Ábilshanova, A.ShÚkenova, K.Boranov, O.Sataev. Hatqa budan basqa da 10 adam qol qoıǵan. Almaty, Shańyraq – 2 shaǵyn aýdany.