ASTANA. 12 naýryz. «Ertis» fýtbol komandasy jankúıerlerine jańa quramyn tanystyrdy. Jańa maýsymǵa tyńǵylyqty daıyndalǵan pavlodarlyqtar qataryn birneshe belgili fýtbolshymen tolyqtyrdy. Bul týraly egemen.kz habarlady.
Maýsym aldynda «Ertiske» elimizdegi eń tanymal fýtbolshylardyń biri Samat Smaqov pen Davıd Lorııa keldi. Sondaı-aq, ózge de otandyq oıynshylar Pavlodarǵa qonys aýdardy.
Qazaqstandyqtardan bólek, «Ertis» sapyna sheteldik fýtbolshylar da qosyldy. Atap aıtar bolsaq, Reseıdiń «Anjı», «Dınamo» (Máskeý) jáne «Lokomotıv» komandalarynda oınaǵan Alan Gatagov budan bylaı «Ertistiń» oıynshysy. Odan bólek, Sergeı Ignatev pen Artem Samsonov esimdi taǵy eki reseılik «Ertistiń» namysyn qorǵaıtyn bolady. Shetten kelgen fýtbolshylardyń qatarynda Ivan Graf (Horvatııa), Izý Azýka (Nıgerııa) jáne Býrkına-Faso ulttyq quramasynyń oıynshysy Arıstıd Base bar.
«Ertistiń» bas jattyqtyrýshysynyń aıtýynsha, komandaǵa negizinen jas jáne bolashaǵynan úmit kúttiretin oıynshylar kelgen.
Bıyl pavlodarlyq komanda úshin mereıli jyl. Klýbtyń 50 jyldyǵyn atap ótetin ujym maýsymdy úzdik nátıjemen aıaqtaýdy maqsat tutady. «Ertis» el chempıonatyn bes ret jeńip alǵan alǵashqy komanda ekenin aıta keteıik.
Elaman Qońyr.
Derek: egemen.kz.
Sýret: fc-irtysh.kz.