ASTANA. 30 tamyz. Prokýratýra organdary ózge de quqyq qorǵaý jáne fısqaldyq organdarmen birlesip jalǵan kásipkerlikke tosqaýyl qoıý boıynsha maqsatqa baǵyttalǵan jumystar júrgizip keledi. Bul týraly Bas prokýratýranyń baspasóz qyzmeti habarlady.
Qabyldanǵan sharalardyń nátıjesinde bıylǵy jyldyń ótken kezeńinde prokýrorlardyń aryzdary boıynsha jalǵan kásipkerlik belgileri bar 197 zańdy tulǵanyń memlekettik tirkeýiniń kúshi joıyldy, 115 aryz sottardyń qaraýynda jatyr.
Memlekettik tirkeýiniń kúshi joıylǵan zańdy tulǵalardyń kontragentterine qadaǵalaý aktileri boıynsha memlekettik kiris organdary 31 mlrd. teńge kiristi qaıta eseptedi, búgingi tańda olardyń 6,9 mlrd. teńgesi bıýdjetke qaıtaryldy.
Sonymen qatar, Bas prokýratýranyń arnaıy prokýrorlarynyń óndirisindegi jalǵan kásipkerlik faktisi boıynsha tergelip jatqan qylmystyq istiń sheńberinde 4,2 mlrd.-tan astam teńge kólemindegi salyqtyń memleket kirisine óndirilýi qamtamasyz etildi.
Aıdar О́risbaev.
Derek: Bas prokýratýranyń baspasóz qyzmeti.
Sýret: egemen.kz.