ASTANA. 5 sáýir. Álem boıynsha 2070 jylǵa qaraı ıslam dinin ustanýshylar men hrıstıan dinindegiler sany teńesedi. AQSh-tyń Rew Research Center degen zertteý ortalyǵy osyndaı boljam jasap otyr. Bul týraly rosbalt.ru habarlady.
Mamandardyń aıtýynsha, 2100 jyly jahan turǵyndarynyń ishinde musylmandar qatary kóbeıetin kórinedi. Naqtylaı aıtqanda, musylmandar – 35, hrıstıandar 34 paıyz bolmaq.
Qazirgi esep boıynsha, jer sharynda hrıstıandar sany basym. Degenmen, atalmysh ortalyqtyń boljamyna súıensek, 2050 jyly hrıstıandar sany 35 paıyzǵa artyp, 2,92 mlrd. adamǵa jetýi yqtımal, al musylmandar qaýymy 73 paıyzǵa ósip, 2,76 mlrd, adamdy quraýy múmkin.
Sondaı-aq, ateıstik kózqarastaǵylar azaıatyny jáne býdda dinindegiler qatary óse qoımaıtyny da atalmysh ortalyq tarapynan boljanypty.
Joldybaı Bazar.
Derek: rosbalt.ru.
Sýret: news.nur.kz.