QARAǴANDY. 25 mamyr. Oblystyq tilderdi damytý jónindegi basqarmasy Qazaq handyǵynyń 550 jyldyǵyna oraı « Ańyz dala-abyz dala» atty jyr músháırasyn ótkizdi. Bul týraly egemen.kz tilshisi habarlady.
Atalǵan dástúrli baıqaýǵa 20-30 jas aralyǵyndaǵy 29 aqyn qatysty. Qazylar alqasy olardyń óleńderin irikteý barysynda shyǵarmanyń taqyrybyna mán berip, baıqaý shartyna sáıkestin, ıdeıalyq mazmuny men kórkemdik sapasyna nazar aýdardy. Osyǵan oraı aqtyq synǵa 10 úmitkerdiń óleńderi jiberildi. Al aqtyq márede qazylar bas júldege «Ortalyq Qazaqstan» gazetiniń aǵa tilshisi Mıras Asannyń jyrlary laıyq dep tanydy. Sondaı-aq, qalǵan júldeli oryndardy baıqaýǵa qatysýshy 5 aqyn ózara bólisti.
Aqyndardy marapattaý sátinde Qazaqstan Respýblıkasynyń eńbek sińirgen qaıratkeri Rymbala Omarhanova: «Biz jas talapkerlerdiń óleń-jyr órnekteýdegi ózindik izdenisterine kýá boldyq. Tolǵaýlardan ótken tarıhtyń aqıqat-shyndyǵy, búgingi ómirimizdiń tynys-beınesi sezildi. Ulttyq poezııamyzdyń jańa tolqyn únimen jarqyraı túsýi qýantty», – dedi.
Aıqyn Nesipbaı.
Derek: egemen.kz.
Sýret: bnews.kz.