Aýyl sharýashylyǵy mınıstrliginiń Orman jáne ańshylyq sharýashylyǵy komıteti men “Aýyl sharýashylyǵyn qarjylaı qoldaý qory” AQ arasynda Qazaqstandaǵy BUU Damý baǵdarlamasynyń qatysýymen balamaly qyzmet túrlerin damytý úshin shaǵyn nesıe berý jónindegi bes jyldyq baǵdarlamany júzege asyrý týraly kelisimge qol qoıyldy. Baǵdarlamanyń maqsaty – erekshe qorǵalatyn tabıǵı aýmaqtarǵa (qoryqtar, ulttyq parkter men tabıǵı rezervattar) irgeles ornalasqan aýyl halqyna sharýashylyq qyzmettiń balamaly túrlerin damytý jáne jergilikti turǵyndardyń tirshiligin jaqsartý úshin kómektesý, ekologııalyq jaǵdaıdyń jaqsarýyna yqpal etý bolyp tabylady.
Buryn mundaı shaǵyn nesıe túri Qorǵaljyn men Alakól qoryqtaryna jáne Semeı ormanyna jaqyn ornalasqan aýyl turǵyndaryna berilgen bolatyn. Endi shaǵyn nesıemen qamtý aıasy keńeıip, oǵan erekshe qorǵalatyn barlyq aýmaqtarǵa jaqyn ornalasqan aýyldar kiretin bolyp otyr. Bir shaǵyn nesıeniń eń joǵarǵy kólemi – 4,4 mıllıon teńge. Al baǵdarlamanyń jalpy somasy 940 myń dollar turady. Osy boıynsha bıoártúrlilikti saqtaýǵa, aýyl, orman, balyq jáne ańshylyq sharýashylyqtaryn júrgizýdiń ekologııalyq qaýipsiz ádisterin engizýge barynsha ekpin túsirilmek.
Suńǵat ÁLIPBAI.