Syrtqy saıasattaǵy syndarly sharalar

Keshe Syrtqy ister mınıstrliginiń resmı ókili Asqar Abdrahmanov elimizdiń syrtqy saıasat salasynda bolyp jatqan mańyzdy oqıǵalarǵa baılanysty brıfıng ótkizdi. Resmı ókildiń málimdemesi boıynsha 5 tamyz kúni Túrkııanyń Bodrým qalasynda Túrkııa Syrtqy ister mınıstri Ahmet Davýto­glý­dyń, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýda­baev­tyń, Ázirbaıjan Syrtqy ister mınıstri Eldar Mamedııarovtyń jáne Qyrǵyzstan Syrtqy ister mınıstri Rýslan Qazaqpaevtyń qatysýymen beıresmı kezdesý ótken. Bul kezdesýdi Túrki keńesi – túrki tildes memleketter yn­tymaqtastyǵy keńesiniń sammıtine daıyndyq jumystarynyń qatary­na jatqyzýǵa bolady. Esterińizge sala ketsek, Túrki keńesi Elbasy Nursultan Nazarbaevtyń bastama­symen 2009 jyly qazan aıynda Ázirbaıjannyń Nahıchevan qala­synda ótken Túrkitildes memle­ket­ter basshylarynyń sammıtinde qurylǵan bolatyn. Kezdesý barysynda tórt eldiń mınıstrleri kelesi aıda, ıaǵnı qyr­kúıekte Ystambulda ótetin túr­kitildes memleketter basshy­lary­nyń aldaǵy kezdesýiniń kún tártibin jáne birqatar uıym­dastyrý sharalaryn qabyldaý jolymen atalǵan ınstıtýtty nyǵaıtý joldaryn talqylady. Sonymen qatar resmı ókil A.Abdrahmanov qatysýshylardyń biraýyzdan qabyldaǵan sheshimi boıynsha Túrki keńesi baýyrlas elder arasyndaǵy saıası jáne eko­nomıkalyq yntymaqtastyqty odan ári nyǵaıtýǵa, túrki halyq­tary­nyń mádenı-tarıhı murasyn saqtaýǵa jáne tanymal etýge qyzmet etetin bolatyndyǵyn atap kórsetti. Bodrýmdaǵy kezdesý barysynda syrtqy saıasat vedomstvolarynyń basshylary sonymen birge, Qyr­ǵyzstandaǵy jaǵdaıdy qosa alǵan­da, halyqaralyq jáne aımaqtyq problemalardyń birqataryn tal­qy­lady. Eýropadaǵy qaýipsizdik jáne yntymaqtastyq uıymyna múshe memleketter Syrtqy ister mınıstrleri keńesiniń 2010 jyly jeltoqsanda Astanada Uıymnyń Sammıtin ótkizý týraly 3 tamyzda qabyldaǵan sheshimine tereń qanaǵattanýshylyq bildirip, bul sheshimniń Qazaqstan men onyń kóshbasshysy Nursultan Nazar­baev­tyń kúsh-jigerleri men jetis­tikterin taný bolyp taby­latyn­dyǵy da kezdesýde kótergen asa mańyzdy máselelerdiń biri boldy. 7 tamyz kúni Tashkentte “Or­talyq Azııa+Japonııa” dıalogy sheń­berindegi Syrtqy ister mı­nıstrleriniń úshinshi keńesi óte­tindigi belgili boldy.  Keńes ba­ry­synda taraptar ekonomıkalyq ynymaqtastyq, aımaq turǵyn­darynyń ál-aýqatyn arttyrý, dinı ekstremızmmen, esirtki tra­fı­gimen, zańsyz kóshi-qonmen kú­res, Aral óńirindegi ekologııalyq jaǵdaıdy ońaltý, kólik-kommý­nı­kasııa jáne sý-energetıka sala­larynda ózara yqpaldastyq, aımaqtaǵy elderdiń ekonomıkalyq áleýetin Aýǵanstandy qalpyna keltirýge jumyldyrý, aımaqtyq qaýipsizdikti qamtamasyz etýdegi yntymaqtastyq máselelerin tal­qylaıdy.  Resmı ókil 9-10 ta­myzda Qazaqstan Respýblıkasy­nyń Memlekettik hatshysy – Syrt­qy ister mınıstri Qanat Saýdabaevtyń shaqyrýymen Ja­ponııanyń Syrtqy ister mınıstri Kasýıa Okadanyń Astanaǵa resmı saparmen keletinin habarlady. Sapar barysynda birqatar ke­lissózder júrgizilip, 2008 jyly maýsym aıynda Elbasy Nursultan Nazarbaevtyń Japonııaǵa resmı sapary kezinde qol jetkizilgen ýaǵdalastyqtardy iske asyrý barysy talqylanatyn bolady. Araı ÚIRENIShBEKQYZY.