Ekijaqty áriptestikke múddelilik

Keshe Astanaǵa eki kúndik sa­par­­men Japonııanyń Syrtqy ister mınıstri Kasýıa Okada keldi. Sa­par­dyń alǵashqy kúni K. Okada Mem­lekettik hatshy – Syrtqy is­ter mınıstri Qanat Saýdabaevpen kezdesti. Basqosý kezinde taraptar eki el arasyndaǵy saıası, saýda-ekonomı­kalyq baılanystardy áńgime óze­gine aınaldyrdy. Kezdesý kezinde Qanat Saýdabaev Nagasakı qalasy­na alǵashqy atom bombasy tastal­ǵanyna 65 jyl tolyp otyrǵanyn, qa­zaq jeri de mundaı qasiretten aınalyp ótpegenin, qazaq balasy atalǵan zulmattyń zardabyn 40 jyl boıy basynan ótkergenin tilge tıek etti. “Japonııa birinshi kúnnen bas­tap Qazaqstanǵa úlken qoldaý kór­s­etip, ıadrolyq synaqtan zardap shek­ken jandarǵa kómek qolyn so­zyp keledi. Búginde Qazaqstan álem­di ıadrolyq qarýdan azat etý ba­ǵytynda úlken bastamalar kóte­rý­de. Bul rette Memleket basshysy Nur­sultan Nazarbaevtyń bastama­sy­­men 29 tamyzdyń “Dúnıejúzilik ıad­­­ro­lyq qarýdan bas tartý kúni” dep ja­rııalanǵanyn aıtsaq ta jet­ki­likti. Al ıadrolyq qarýdan bas tartý – bul Qazaqstan men Japo­nııanyń ortaq ustanymy. Bul rette sizdiń saparyńyz Qazaqstan men Japonııa arasyndaǵy áriptestikti odan ári damytýǵa jol ashady dep oılaı­myz”, dedi Qanat Saýdabaev óz sózinde. Al Japonııa Syrtqy ister mı­nıstri Kasýıa Okada Qazaqstannyń Memlekettik hatshysy – Syrtqy ister mınıstri Qanat Saýdabaevtyń 1945 jylǵy 9 tamyzda Nagasakı qalasynda oryn alǵan zulmatty, japon halqynyń basynan keshken qasiretin eske alyp otyrǵany úshin rızashylyǵyn jetkizdi. “Osy oraı­da biz ózimizdiń barlyq kúsh-jige­rimizdi ıadrolyq qarýǵa qarsy kúres júrgizýge jumsaýymyz qajet”, dedi K. Okada óz kezeginde. Sondaı-aq, K. Okada 15 jyl bu­ryn Qazaqstanǵa Japonııa Par­lamentiniń depýtaty bolyp júrgen kezinde elimizdiń sol kezdegi astana­sy – Almatyǵa kelgendigin, bıyl qazaq jerine ekinshi ret joly túsip otyrǵanyn jetkizdi. Láıla EDILQYZY.