Reseıdiń Astrahan oblysy, Enotaev aýdanyndaǵy Vostok selosynda meshit ashyldy. Imandylyq úıiniń ashylý rásimine Astrahan oblysynyń múftıi Nazymbek Ilıazov qatysyp, turǵyndardy jańa meshittiń ashylýymen quttyqtady.
Múftı ımandylyq úıiniń qalalarda ǵana emes, selolarda da boı kóterýi, Reseı jerinde turyp jatqan barsha musylmandarǵa kórsetilgen qurmet ekendigin atap ótti. Sondaı-aq ol búginde kópultty Astrahan oblysynda meshittermen qatar, shirkeýler men sınagogalar kelýshilerge qyzmet etip jatqanyna, bul keıingi urpaqqa óz dinderi men salt-dástúrlerin damytýǵa úlgi-ónege bolatynyna toqtaldy.
Múftıdiń sózin aýdan basshysy Mıhaıl Anıshko da qoldap, kópshilikti meshit úıiniń ashylýymen quttyqtady. Sonymen birge, aýdan basshysy óziniń ulttyq máseleler jónindegi keńesshisi bolyp Tólegen Maqashevtiń, al Enotaev aýdanynyń ımamy bolyp Ildar Javdetovtiń bekitilgenin habarlady.
Amanjol ILIаSOV, Reseı Jýrnalıster odaǵynyń múshesi.
Astrahan oblysy.