Quqyqtyq keńistikti keńeıtý qadamdary

Respýblıka Prezıdenti Nursultan Nazarbaev el damýynyń taǵdyrsheshti máselelerin aıqyndaǵan bıylǵy Jol­daýynda quqyq qorǵaý organdarynyń jumysyn jetildirýge qatysty naqty mindetter qoıdy. Onda “...jańa on­jyl­dyqta bizge demokratııalyq mem­le­kettegi quqyq qorǵaý qyzmetiniń joǵa­ry halyqaralyq standarttaryna sáıkes keletin jańa quqyq qorǵaý júıe­si qajet... quqyq qorǵaý organ­da­ryna quqyqtyq keńistikti jetildirý boıynsha júıelik jumysqa shuǵyl ki­risýdi tapsyramyn”, – dep atap kórse­til­di. Bul oraıda, Qazaqstannyń kór­shiles memlekettermen ózara ynty­maqty baılanysy qylmys áleminiń halyqaralyq sıpat alýyna tosqaýyl qoıatyny anyq. Taıaýda Aqmola oblystyq IID je­del qyzmet jáne RF Omby oblystyq IIB krımınaldyq polısııa basshyla­rynyń Kókshetaýdaǵy kezdesýi osynaý ózekti máseleni sheshýge baǵyttalǵan mańyzdy qadam boldy dep baǵalandy. Onyń jumysyna Qazaqstan Respýb­lı­kasy Ishki ister mınıstrligi krımınal­dyq polısııa komıteti tóraǵasynyń orynbasary, polısııa polkovnıgi Be­ket Aımaǵambetov, oblystyq IID bas­shy quramy jáne Reseı Federasııasy Omby oblystyq IIB krımınaldyq mılısııasy bastyǵynyń orynbasary polkovnık Vıktor Kovalenko bastaǵan úlken quramdaǵy delegasııa qatysty. Beket Aımaǵambetov pen Vıktor Kovalenkolardyń sholý áńgimelerinde Qazaqstannyń EQYU-ǵa tóraǵalyǵy jaǵdaıynda jáne jańa Keden odaǵy qurylýyna baılanysty qylmyspen kúrestiń túpki qaıtarymyna, memle­ket­aralyq baılanystardyń tıimdiligin arttyrý máselelerine aıryqsha kóńil bólindi. Ejelden kórshiles Omby ob­ly­synyń toǵyz aýdany elimizben shek­tesedi. Sońǵy bir jyl eki aıda shek­aralyq aýdandarda tirkelgen qylmys­tardyń sany 4500-ge jetip otyr. Iаǵnı, árqıly sıpattaǵy qylmystardyń ashylý deńgeıi kúrt kóterilgen. Muny Kókshetaýdaǵy basqosýǵa qatysýshylar qos el quqyq qorǵaýshylary úılestirý keńesiniń 21 otyrysy men jumys babyndaǵy kezdesýlerdiń tıimdiligimen, aqparattar almasýdyń, birlesken jedel sharalardyń yqpaldylyǵymen baıla­nystyrdy. Bul negizinen Soltústik Qa­zaqstan jáne Pavlodar oblystaryn qam­tysa, endigi jerde Aqmola obly­symen de yntymaqty kelisimge qol qoıylyp, ortaq is-qımyl sharalary bekitildi. Kezdesýde Aqmola oblystyq ishki is­ter departamenti krımınaldyq po­lısııa basqarmasynyń bastyǵy Qanat Satybaev pen Omby oblystyq IIB qylmystyq izdestirý basqarmasynyń bastyǵy Valerıı Kalganov Aqmola jáne Omby oblystary ishki ister organdary krımınaldyq polısııa qurylymdarynyń ózara is-qımylyn uıymdastyrý máseleleri týraly baıandamalar jasady. Kórshi oblystar quqyq qorǵaý or­gandarynyń basshylary respýblıka­lyq jáne jergilikti buqaralyq aqparat quraldary ókilderimen baspasóz má­slı­hatyn ótkizip, jýrnalısterdiń kóptegen suraqtaryna jaýap qaıtardy. Baqbergen AMALBEK. Aqmola oblysy. * * * MALAIZIIаDA BILIM ALADY О́skemendegi oblystyq daryndy balalarǵa arnalǵan lıseıdiń 7 synyp oqýshysy Maǵjan Aıtqazın bolashaǵynan úmit kúttiretin talapty jas bala. Ol Almatyda ótken “HHI ǵasyr kóshbasshysy” baǵdarlamasynyń barlyq telesaıystaryna qatysyp, jeńimpaz atanǵan edi. Endi ol Malaı eline baratyn boldy. – Zaısan aýdanynyń úlken Qaratal aýylynda ómirge keldim. Byltyr О́skemendegi lıseıge oqýǵa  tústim. Bul oqý ornynda bilim alý men úshin úlken baqyt. Bizdiń aýyldan Marat Qabanbaev, Asqar Egeýbaev, Ulyqbek Esdáýlet sııaqty daryndy qalamgerler shyqqan. Aldyńǵy tolqyn aǵalarymnyń jolyn qýmasam da, solar sekildi el syılaǵan azamat bolyp óssem deımin. Eki mekteptiń ustazdaryna alǵystan basqa aıtarym joq, – dedi Maǵjan. Ońdasyn ELÝBAI. Shyǵys Qazaqstan oblysy. * * * MAÝSYM, ShILDE DEGENDE, MAÝSYM, ShILDE-AI!.. Jambyl oblysyndaǵy mektepterdiń 133800 oqýshysy jazǵy demalyspen qamtyldy Jambyl oblystyq bilim basqarmasy bıyl oqýshylardyń jazǵy demalysynyń qyzyqty, ǵıbratty jáne salamatty jaǵdaıda ótýin uıymdastyrý maqsatynda edáýir jumystar atqardy. Mysalǵa, oblys mektepteriniń 1 jáne 10 synyptarynda oqıtyn 171536 oqýshynyń 133800-i, ıaǵnı 78 paıyzy jazǵy demalys pen saýyqtyrýǵa jáne paıdaly eńbekpen qamtylǵanyn estip, qýanyp qaldyq. О́ıtkeni, bul ótken jylǵa qaraǵanda 0,7 paıyzǵa artyq. Demek, ósý bar degen sóz. Eger ótken jyly balalardyń jazǵy demalysy men saýyqtyrý is-sharalaryna jergilikti bıýdjet esebinen 98 mln 281 myń teńge bólinse, bıyl aýdandyq jáne Taraz qalalyq bilim bólimderiniń málimetteri boıynsha, 117 mln 204 myń 700 teńge bólingen. Bul sıfr da ótken jylǵa qaraǵanda, 18 mln 923 myń 700 teńgege artyq. Taý shatqaldary men ózen boılaryna ornalasqan saýyqtyrý lagerleriniń materıaldyq-tehnıkalyq jaǵdaılary da jyldaǵydan jaqsara túsken. Bul maqsatta Qordaı, Merki, T.Rysqulov aýdandary jergilikti bıýdjet esebinen 7 mln 839 myń 792 teńge bólipti. Sol sııaqty, “Qarlyǵash”, “Taý samaly” dep atalatyn jekemenshik lagerler 5 mln. 271 myń teńge bólip, balalardyń zaman talabyna saı demalýyna barynsha qamqorlyq jasaǵan. “Kooperator” dep atalatyn memlekettik emes saýyqtyrý ortalyǵy da bıylǵy demalys maýsymyna barlyq jaǵdaıy jasalǵan 62 oryndyq jańa ǵımaratty paıdalanýǵa berip otyr eken. Sondaı-aq, demalys kezinde mektep janyndaǵy lagerler de maýsym, shilde aılarynda jumys istegen. Onyń 263-i aýyl mektepterinde uıymdastyrylǵany kóńil qýantady. Jazǵy demalys kezinde oqýshylardy eńbekke baýlý arqyly tárbıeleýdiń de mańyzy zor. Maýsym, shilde aılarynda 380-ge jýyq kógerishtendirý, kógaldandyrý toptarynyń quramynda 11543 oqýshy “Jasyl el” baǵdarlamasy boıynsha eńbek etti. Olar óz múmkindikterine qaraı aǵash kóshetterine kútim jasap, aryqtardy tazartty. Aram shópterdi otap, aǵashtardy aqtady. Atap aıtsaq, Qordaı aýdanyndaǵy Betqaınar aýylynyń mańyna otyrǵyzylǵan jas óskinderge 136 bala kútim jasaýmen aınalysty. Sonymen qatar, qurylys toptarynda, ata-analarymen birge aýyl sharýashylyǵy jumystaryna kómektesip júrgen oqýshylar sany da jetkilikti. Mektep qasynan uıymdastyrylǵan ártúrli klýbtarda, úıirmelerde júrekteri qalaǵan sport túrlerimen shuǵyldanyp, sondaı-aq qoldanbaly ónermen aınalysyp, saz aspaptarynda oınap, án, bımen áýestenip júrgen oqýshylar da kóp. Bıyl jaz Aqmola oblysyndaǵy respýblıkalyq “Baldáý­ren” oqý-saýyqtyrý ortalyǵynda 63, Almaty qalasyndaǵy “Bóbek” ulttyq ǵylymı-praktıkalyq bilim berý jáne saýyqtyrý ortalyǵynda 16 jasóspirim demalyp kelgen. Kóp balaly jáne az qamtamasyz etilgen otbasylardan shyqqan 3989 oqýshy (onyń 2373-i aýyldyń balalary) oblys saýyqtyrý lagerlerinde demalypty. Onyń ishinde Q.Sarymoldaev atyndaǵy, “Ulan” jáne V.Savva atyndaǵy balalar úıleriniń tárbıelenýshileri de bar. Elbasynyń arnaıy tapsyrmasy boıynsha qyrǵyz balalaryn jazǵy demalyspen qamtýǵa kómek kórsetý maqsatynda Jýaly aýdany Berikqara shatqalynda ornalasqan “Taý samaly” saýyqtyrý kesheninde Jalalabad, Osh oblystarynyń 48 balasy respýblıkalyq bıýdjet esebinen demalyp qaıtty. Kósemáli SÁTTIBAIULY. Jambyl oblysy.