Eń mańyzdy forýmǵa daıyndyq máselesi qaraldy

Sársenbi kúni Memlekettik hatshy – Syrtqy ister mınıstri Qanat Saýdabaevtyń tóraǵalyq etýimen Qazaqstannyń EQYU-ǵa tóraǵalyq etý máseleleri jónin­degi Mem­le­kettik komıssııanyń otyrysy boldy. Basty másele Prezıdent Nursultan Nazarbaevtyń 16 tamyzda Aqordada 1-2 jeltoqsanda Astana qalasynda bolatyn EQYU Sammıtine daıyndyq máselelerin qarastyrǵan keńeste bergen tapsyrma­laryn oryndaý barysyna arnaldy. Otyrysta sóz sóılegen Qanat Saýda­baev: bizdiń EQYU-ǵa tór­aǵalyq etýimiz jáne Uıym Sam­mıtin Astana qalasynda ótkizýge barlyq múshelerdiń biraýyzdan daýys berýi – álemdik qoǵamdas­tyqtyń Qazaqstannyń táýel­sizdik alǵan jyldarda áleýmet­tik-eko­nomıkalyq jáne qoǵam­dyq-saıası damýda qol jetkizgen tolymdy tabys­taryn tolyq moıyndaı­ty­nyn kórsetedi, dedi. Búgingi kúni Qazaqstan tabysty memleket retinde ǵana qalyp­ta­­syp qoıǵan joq, sonymen birge, ol jahandyq qaýipsizdik pen yn­tymaqtastyqty qamtama­syz etýge súbeli úles qosa alatyn bedeldi aımaqtyq derjava­ǵa aı­na­lyp otyr. Osynyń bári jańa Qazaq­stannyń qurylysshy­sy jáne arhıtektory bolyp otyr­ǵan Prezıdent Nursultan Nazar­baev­tyń qaıratkerlik isteriniń tama­sha jemisi jáne onyń álem­dik aýqymdaǵy lıder retinde tany­lýynyń dáleli, dedi Q.Saýdabaev. Osydan ári EQYU-nyń Is basyndaǵy tóraǵasy retinde Qanat Saýdabaev Uıymnyń qazirgi ahýaly týraly aıtty. Ol qazir jahan­dyq qaýipter men daǵdarys­tyq kezeńderdi bastan keshýde. Sondyqtan da Sammıt ótkizý ýa­qyt týdyrǵan asa ózekti qajettilik bolyp tabylady, deı kelip, onyń Qazaqstanda ótkizilýi biz ǵana emes, búkil TMD elderi úshin maqtanysh ekenine ekpin túsirdi. Astana Sammıti – daıyn she­shimderdiń sammıti bolmaıdy, mun­da, eń bastysy, biz jalpy­adam­zattyq qundylyqtardy bas­shylyqqa ala otyryp, bir toqtam­ǵa kelýimiz kerek. Sonyń ishinde EQYU-nyń jaýapker­shilik aı­maǵynda birtutas jáne bólinbeıtin qaýipsizdigi bar qaýymdastyq qurý jolynda strategııalyq baǵdarlar men “jol kartasyn” anyqtaýymyz qajet, dedi sheshen. Sóziniń sońynda ol Memle­kettik komıssııanyń negizgi min­deti Elbasynyń Aqordada 16 tamyzda bolǵan keńeste bergen tap­syr­ma­laryn buljytpaı oryn­daýdy qamtamasyz etý eke­nin atap ótti. Osyǵan baılanys­ty oty­rysta Astana Sammıtin ótkizýge baıla­nysty tıisti memlekettik organ­darǵa naqty tapsyrmalar berildi. Sammıtke Uıymǵa múshe barlyq 56 eldiń lıderlerimen qatar, EQYU-nyń 12 áriptes elderiniń basshy­lary da qatysady dep kútilýde. Sondaı-aq barlyq bedeldi halyq­­aralyq uıymdardyń jetek­shileri de bolatyny sózsiz. Onyń ústine barlyq múshe elder­men qatar, kóp­tegen qyzyǵýshy­lyq tanytý­shy el­derdiń BAQ ókilderi de Astana qala­syna  keleri anyq. Bir sóz­ben aıtqanda, bul táýel­siz Qa­zaq­stan topyraǵynda osy zamanǵa deıin bolyp kór­megen eń mańyzdy álemdik shara bolǵaly otyr. Jaqsybaı SAMRAT.