Tatýlyǵym – baılyǵym

Qazaqstan halqynyń dostyǵy men tatýlyǵyn árdaıym Elbasy­nyń salıqaly saıasatymen baıla­nystyrǵan jón. Elimizdegi turaq­ty­lyq pen ultaralyq kelisim ná­tıjesinde ekonomıkalyq-áleýmet­tik, qoǵamdyq saladaǵy tabysta­ry­myz qomaqtana túsip keledi. Desek te, elimizdi meken etken túr­li etnostardyń tili men salt-dástúrin nasıhattaý baǵytyndaǵy jumystardy qalt jibermeýdiń mańyzy erekshe. Búginde Jetisý jerin 103 ult­tyń ókili mekendeıdi. Olar 23 ob­lystyq, 38 aýdandyq, 10 qalalyq etnomádenı birlestik arqyly biri­gip otyrsa, Qazaqstan halqy As­sam­bleıasynyń oblystyq hatshy­ly­ǵy bar jumysty ortaq shańyraq – “Dostyq” úıinde ótkizýdi dástúrge aınaldyrǵan. Osyndaı  izgi isti alǵa aparǵan “Tatýlyǵym — baılyǵym” atty konferensııa jumysy sátti ótip, onda pikir qosqan oblystyq “Azamattyq alıans” birlestiginiń prezıdenti A.Aqymbekov, Kóksý aýdanyndaǵy slavıan etnomádenı birlestiginiń tóraǵasy V.Molodsov, taǵy basqalar memleket irgesiniń berik bolýy ultaralyq, dinaralyq túsinistikke baılanysty ekenin atap kórsetti. Jastar tárbıesine etnomádenı birlestik músheleri men “Ulaǵat” aq­saqaldar keńesiniń belsene qatysýy  arqasynda óńirdegi tirkeýden ótken 41 qoǵamdyq birlestiktermen baılanys jaqsy jolǵa qoıylǵan. Osylaısha aǵa urpaq pen jastar birligi jarasqan eldiń baqyty kemel bolatynyna kóz jetkizilýde. Kúmisjan BAIJAN, Almaty oblysy.